Дуучин Ч.Сэлэнгэ бүсгүйн заяагаа эдлэж явна

Галтай, цогтой, зовхи нь өөдөө залуу дуучин Ч.Сэлэнгэ нэг хэсэгтээ л сураг тасраад байсан нь бүл нэмж, шинэхэн хүнээ хүлээн аваад удаагүй байгаатай холбоотой байсан аж. Тэрбээр 10 сарын өмнө охинтой болсон бөгөөд өдгөө эгдүүтэй бяцхан гүнжээ харан уран бүтээлээс түр холдоод байгаа гэнэ.

Гэсэн ч тун удахгүй сонсогч, фенүүдээ цоо шинэхэн уран бүтээлүүдээрээ бэлэг барьж, уран бүтээлээ эрч хүчтэйгээр эхлүүлэхээр зэхэж суугаа аж. Залуу дуучин Ч.Сэлэнгэ “Аялгуун”, "Your,s Day" нэртэй хоёр цомгоо сонсогчиддоо хүргэсэн бөгөөд түүний дуулж амилуулсан “Бүсгүйн заяа” дуу нь хитэд байнга тэргүүлдэг “уламжлалтай” гэхэд хилсдэхгүй болсон юм.