Амгаа хайраа хайсаар...

“Учиртай гурав” уран сайхны киноны Юндэнгийн дүрээр дэлгэцийн сайхан залуусын тоонд зүй ёсоор багтсан хүн бол загвар өмсөгч О.Амгаланбаатар. “Big Fish”, “ТНГРИ”, “Содура” зэрэг хэд хэдэн кинонд тоглосон түүнд олон охидоос хайрын захиа ирдэг ч, хариу бичдэггүй хатуухан эр гэгддэг юм билээ.

Тэгвэл царайлаг басхүү чамгүй авьяастай залуугийн анхны хайрын эзнээр Ж.Энэрэл гэх загвар өмсөгч бүсгүй тодорч, хосууд хоёр жил гаруй хугацаанд аз жаргалдаа умбаж явсан үе бий. Гэвч орчин цагийн Юндэн, загварын сайхан бүсгүй хоёрын романтик харилцаа нэг л өдөр төгсгөл болсноор барахгүй тэд төдий л удалгүй шинэхэн амрагуудаа дагуулан олны өмнө гарч ирцгээсэн. Төрийн соёрхолт, дуучин Д.Болдын “Үүлэн домог” дууны клипэнд тоглосноос хойш томоохон компаниудын нүүр царай болж яваа загвар өмсөгч Ж.Энэрэл өдгөө дуучин Б.Чойжоотой үерхэж буй. Харин загвар өмсөгч О.Амгаланбаатар нэг хэсэг янз бүрийн охид бүсгүйчүүдтэй уулзаж учирч явснаа нуулгүй ярьсан ч хэнийг нь ч хайрлаагүй гэдэг.