Н.Энхбаяр БНСУ-ыг зорьлоо

МАХН-ын дарга, Монгол Улсын гурав дахь Ерөнхийлөгч Н.Энхбаяр сулллагдсанаасаа хойш гэртээ нэг хэсэг амарч, улмаар эмнэлэгт эргэн хэвтсэн билээ. Учир нь түүний бие нэлээд муудсан бөгөөд яаралтай эмчилгээ хийлгэхгүй бол амь насанд нь аюултай хэмээн эмч нар мэдэгдээд байсан.

Харин тэрбээр өчигдөр БНСУ-ыг зорьсон байна. Түүний биеийг Монголдоо эмчлэх боломжгүй хэмээсэн. Энэ талаар Эрүүл мэндийн сайд Н.Удвал “Манай эмч нар эсийн задрал гэж оношилсон. Байнгын жингийн алдагдал ч үүнийг баталсан.

Гэхдээ бид бүрэн оношилж чадаагүй. Чадахгүй учраас эмчилж бас чадахгүй” гэж байсан бөгөөд энэ хугацаанд хэд хэдэн эмнэлэг рүү шинжилгээгээ явуулсан, хариу ирэхийг нь хүлээж байна гэж намыхан нь мэдэгдэж байсан. ХаринБНСУ-ын эмнэлгийнхэн эмчлэгдэнэ гэж ам гарсан бололтой. Тэрбээр тун яаруухан тус улсыг зорьсон байна.