Хөтлөгч Ундрал хүүгийн хамтаар аялаж явна

“Херо” энтертайнментын дэргэд нэлээд олон жил хөтлөгчийн дамжаа ажиллуулан UBS телевизийн нүүр царай болсон нэвтрүүлэгчдийг сургасан жүжигчин Ч.Ундрал үйл ажиллагаагаа өргөжүүлэн “U art academy” байгуулжээ. Тэрбээр хоёр жил орчим АНУ-д суралцаж байгаад саяхан эх орондоо ирсэн юм. “U art academy” нь нэвтрүүлэгч, хөтлөгчийн уран чадвар, тайзны яриа, балет, камертай харьцах гэсэн төрлөөр сургалт явуулахаас гадна оюутнуудаа төвшин ахихын хэрээр нэмэлт хичээл зааж мэргэшүүлэх аж. Мөн байгууллага, хамт олон, сургуульд зориулсан богино хугацааны хөтөлбөр боловсруулан ажиллахаар болсон байна. Урин дулааны цаг ирж хэн хүнгүй амарч зугаалж байгаа энэ үед хөтлөгч бүсгүй хүүгийнхээ хамтаар мөн амарч явна.