Сайд Х.Тэмүүжин бөхчүүддээ амжилт хүсэв

Шүүхийн шийдвэр гүйцэтгэлийн ерөнхий газрын харьяа “Сүлд” спорт хорооны тамирчин аварга Г.Эрхэмбаяр, харцага Н.Батсуурь нарыг Хууль зүйн сайд Х.Тэмүүжин хүлээн авч уулзан хүндэтгэл үзүүлсэн байна. Сайд салбарынхаа аварга, харцага хоёрт амжилт хүсээд “Ирэх жилийн наадам ойрхон бөгөөд хол байна. Улам сайн барилдаж, амжилтаа ахиулаарай” хэмээн ерөөжээ. 

Сэлэнгэ аймгийн Мандал сумын харьяат Г.Эрхэмбаяр нь Улсын их баяр наадмын хүчит бөхийн барилдаанд өвдөг шороодолгүй барилдаж аварга цол хүртэн монгол түмний хүндэтгэлийг хүлээсэн бол Н.Батсуурь зургаа давж харцага цол хүртсэн юм.