Их хотын залуусын хүлээдэг “цагаан” шоу айсуй

Их хотын залуусын хүсэн хүлээдэг “Silence white 2013” шоу “Эрх чөлөө, Энхтайван, Эв нэгдэл” уриатайгаар найм дахь жилдээ энэ сарын 12-нд Үндэсний соёл амралтын хүрээлэнд 10 мянган залууг нэгтгэхээр товоо зарлаад байгаа билээ. 

Эрх чөлөөний тунхаглал, энхтайваны бэлэгдэл, эв нэгдлийн илэрхийлэл болсон цасан цагаанаар гоёж, мянга мянган гэрлийн гялбаанд, арван мянган залуус бүжиж наадах энэ үдшийн гол эзэд болсон MMP-ын эрхэмсэг "DJ" нар. Тэд  их хотын залуусаа “Silence white 2013” шоунд нэгдэхийг уриалан өөр өөрсдийн өнцгөөс цагаан өнгийг хэрхэн төсөөлдөгөө хуваалцсан юм. 

DJ Түвшин “Цагаан өнгийн хувцас миний өөртөө итгэх итгэлийг улам нэмэгдүүлдэг” бол DJ Үүрээ  “Өөрийн хамгийн эрхэм хүнээ өнгөтэй зүйрлэвэл тэр нь цагаан өнгө байх болно” гэжээ. Харин DJ DR Батаад “Хамгийн хурц өнгө бол цагаан өнгө” гэнэ. Түүнчлэн DJ Тэмүүжинд “Цагаан өнгө миний хувьд эрх чөлөө, хүсэл тэмүүллийг санагдуулдаг” бол DJ Tmk “Цагаан өнгө бол энхтайваны бэлэгдэл”, DJ Pago “Өнгө бүхэн өөрийн гэсэн утга учиртай. Цагаан өнгөнд эв нэгдэл оршдог” хэмээн санал нэгтээгээр өөрсдийнхөө ертөнц дэх цагаан өнгөний бэлэгдлийг хуваалцсан юм.

“Silence white 2013” шоуг “Mongol Mix Project”-ээс санаачлан Нийслэлийн Засаг даргын ивээл доор зохион байгуулж байгаа бөгөөд Үндэсний соёл амралтын хүрээлэн, АПУ ХК, “Sound Of Mongolia”, www.alpha.mnдэмжинэ ажиллаж байгаа бөгөөд албан ёсны онлайн түгээгчээр мэдээллийн dorgio.mn сайт ажиллаж байгаа юм.