Өнөөдрөөс БНСУ-д гэрээгээр ажиллах иргэдийг бүртгэнэ

БНСУ-д хөдөлмөрийн гэрээгээр ажиллах хүсэлтэй иргэдийн бүртгэл өнөөдрөөс аймаг, дүүрэг бүрт эхэлж байна. Бүртгэл 4-нийг дуустал үргэлжлэх бөгөөд бүртгэлд хамрагдах иргэд тодорхой шалгуур хангасан байх ёстой юм. Тодруулбал, 1973 оны наймдугаар сарын 26-аас 1995 оны наймдугаар сарын 25-нд төрсөн байх, шүүхээр таслагдаж, хорих ял эдэлж байгаагүй, БНСУ-аас албадан гаргах ажиллагаанд хамрагдаж байгаагүй буюу албадан гаргах арга хэмжээ авахуулж байгаагүй, Монгол Улсын хилээр гарах эрхээ хязгаарлуулаагүй, БНСУ-ын Элчин сайдын яаманд виз мэдүүлээд татгалзсан хариу авч байгаагүй иргэд уг бүртгэлд хамрагдах юм байна.

Бүртгэлд хамрагдах хүсэлтэй иргэд дараах материалыг бүрдүүлнэ. Үүнд:

Гадаад паспорт эсвэл иргэний цахим үнэмлэх /хуулбар байж болно/

3,5*4,5 хэмжээтэй цээж зураг 2 хувь /сүүлийн гурван сарын дотор авхуулсан, засвар хийгээгүй/

Бүртгэлийн хураамж 24 ам.долларыг Хадгаламж банкинд тушаасан байх /10210033333 дансанд/