ХУВЬCAЛ !!!

  “Universe Best Songs 2011″ наадмын шилдэг 25-ийн нэгээр шалгаран үлдэж, олонд танигдсан дуучин А.Хишигдалай Монголын рок поп ертөнцийн шинэ үеийн төлөөллийн манлай болон хүч түрэн орж ирсэн. Зарим үед Английн алдарт дуучин ADELE-тай ч андуурам сонсогддог түүний хүчирхэг хоолой хип хоп хамтлагууд, репперүүд дунд ид “мода”-нд орж байна. Хөгжмийн зохиолч Б.Долгионы DOLY продакшнд харъяалагдан уран бүтээлээ туурвиж байгаа залуу дуучны анх “Universe Best Songs” наадамд оролцох үеийг одоогийн дүр төрхтэй нь харьцууллаа. Архангай аймгаас оюутан болж дөнгөж хотод орж ирсэн авъяаслаг охин өнөөдрийг хүртэлх хугацаанд ямар их өөрчлөгдөж, хувьссаныг харж байна. Эмэгтэй хүн нүүрээ будаад, нөгөө хувцсаа өмсөөд, өөртөө анхаарал хандуулж арчаатай байж чадвал “хөөрхөн” болж болдгийн тод жишээ нь А.Хишигдалай.