С.Жавхлан эхнэрийгээ үндэсний дээлээс өөр хувцас өмсөхийг нь хориглов

21-р зуунд анх удаа араг түшиж, гэрийнхээ хатавчинд амаржсан МУГЖ С.Жавхлангийн эхнэр, уртын дууч Г.Эрдэнэчимэгийг мэдэхгүй хүн цөөн. Зохиолын дууны ханхүүтэй тоонот гэрт толгой холбож, тостой тогоонд хошуу холбох болсноосоо хойш “Оготны нүхэн дэх сувд” мэт амьдрах болсон тэрбээр цагтаа миссийн титэм тэргүүндээ залж явсан хувьтай нэгэн. “Оюуны эрэлд” оюутны холбооноос жил бүр зохион байгуулдаг “Оюутны мисс мистер” тэмцээнд хоёрдугаар курсын оюутан байхдаа орж байсан тэрбээр олон арван охидоос авъяас билэг, оюун ухаанаараа цойлж гранпри шагналыг нь хүртэж байсан цаг саяхан. Гэтэл одоо үндсэрхэг нөхрийгаа дууран үндэсний хувцасаа л өмсөх болсон. Сүүлдээ бүр шинэ жилээр хүртэл ийймэрхүү хувцаслаж байх юм.