Нагоягийн их сургуулийн хүүхдийн сэтгэл судлал, хөгжлийн бэрхшээлийн мэргэжилтнүүд “Оюурах төв”-д айлчиллаа

Аутизм болон хөгжлийн бэрхшээлийн чиглэлээр олон улсын түвшинд мэргэшсэн Японы нэр хүндтэй судлаач, сэтгэцийн эмч нар “Оюурах боловсрол, хөгжил, эрүүл мэндийн төв”-д айлчилж, аутизмын оношлогоо, сэтгэлзүйн дэмжлэг, хөгжлийн арга зүй-н талаар сургалт, туршлага солилцох уулзалт зохион байгууллаа.

Тус сургалтад Монголын Сэтгэцийн эрүүл мэндийн төвийн багш, эмч, мэргэжилтнүүд хамрагдаж, хүүхдийн сэтгэлзүйн оношлогоо, зан үйлийн дэмжлэг, хөгжлийн хандлагын шинэ судалгааны арга барилтай танилцлаа.

Сургалт удирдан явуулсан профессор, судлаачид:

Dr. Hidekazu KATO, M.D., Ph.D – Дэд профессор, Хүүхэд ба өсвөр үеийн сэтгэл судлалын тэнхим, Нагоягийн их сургуулийн эмнэлэг

Dr. Kenji NOMURA, M.D., Ph.D – Тусгай профессор, Хөгжлийн бэрхшээлтэй хүүхдэд үзүүлэх дэмжлэгийн төсөл, Хүний хөгжлийн сэтгэлзүйн судалгааны төв, Нагоягийн их сургууль

Mr. Toru YOSHIKAWA – Хүүхдийн сэтгэцийн эмч, Айчи мужийн Хөгжлийн бэрхшээлтэй иргэдийн төвийн сэтгэл судлалын тасаг

Dr. Taku ITO – Тусгай дэд профессор, Сэтгэл зүй–нийгмийн харилцан үйлчлэлийн хэлтэс, Хүний хөгжлийн судалгааны төв, Нагоягийн их сургууль

Dr. Yosuke ISHIJIMA, M.D. – Сэтгэцийн эмч, Кариа эмнэлэг, Айчи муж

Dr. Kana YOKOYAMA – Тусгай дэд профессор, Хүний хөгжлийн сэтгэлзүйн дэмжлэг ба судалгааны төв, Нагоягийн их сургууль

Энэхүү айлчлал нь “Оюурах төв”-ийн олон улсын хамтын ажиллагааг өргөжүүлж, Монголын аутизмын чиглэлээр ажилладаг мэргэжилтнүүдийн мэдлэг, арга зүйг Японы шинжлэх ухаанд тулгуурлан шинэ шатанд гаргах чухал алхам боллоо.