​ Автобусны маршрутын давхцалыг арилгаж болохгүй юу

 Автобусны буудлууд дээх дүр зургийг өглөө, оройд харахад “Өөрийн эрхгүй яана даа” гэж бодогддог. Заримдаа бүр тэр дүр зургийг хармааргүй, болдогсон бол хажуугаар нь өнгөрөхгүй юмсан гэж бодогддог.

Хамгийн нүд халтирч, зүрх зүсмээр дүр зураг нь багачуудаа тэвэрсэн аав ээж. Аав ээждээ тэврүүлсэн нялх үрс нь  даарсан, бээрсэн жижигхээн гараа түргэн түргэн савчих нь “Намайг авчхаач дээ, би даараад байна. Гуйж байна ш дээ...” гэж буй мэт санагддаг учир үнэхээр өр өвддөг.

Харин  энэ эмгэнэлтэй гэмээр  зураглалыг хэзээ, хэн, хэрхэн арилгах бол гэдгийг хэн ч хэлж таашгүй. Мөн автобус хүлээсээр хүүхдийн хөл, чих хайрагдсан тохиолдолд хэн харуицлага хүлээдэггүй нь тоогүй.

Яг үнэндээ бол автобусны маршрутыг зохицуулж, тооцоолж тодорхойлдог нөхдөд энэ хариуцлагыг  хүлээлгэмээр байгаа юм. Яагаад гэвэл үнэхээр ХУВААРИЛАЛТ нь ШОГ байдаг.

Шугамын давхцал байлгүй л яахав гэхдээ арай хэтэрхий давхцал бий болгож, ар иргэдийг хохироож байна гээд хэлчихэд нэг их дэгстсэн болохгүй биз.

Ганцхан жишээ дурдахад Төв номын сангийн буудлын эсрэг буюу Скайтелийн буудалд  зогсож байгаад  “Мишээл экспо-3, 4 дүгээр хороолол гэсэн автосбусыг 13,14 орчим болгоод алдчихаж байхад “Яармаг”, “Нисэх”, “Буянт-Ухаа” чиглэлийн автобус 2-3 удаа л ирж байх жишээтэй.

Мөн Бэлх, Сэлх тийш явдаг автобусанд Санктпетербургийн буудлаас  сууж чадалгүй  хоцорчихвол 1 цаг 30 минут хүлээх нь  юу ч бишийн зэрэгцээ 20:00 цагаас хойш бол хэд гурваараа нийлээд такси л барихгүй бол тэр зүгт автобусанд сууж гэртээ харих тухай бодох ч хэрэгүй...

Энэ мэтээр нийтийн тээврийн автобус эрэлттэй байгаа ч байгаа хэдийгээ олигтойхон хуваарилчихгүй байгаа нь Нийтмийн тээврийнхний ажил үйлчилгээ ямар байгааг харуулж буй юм.

Нөгөөтэйгүүр асуудлыг шийдэж чадахгүй, салбараа удирдаж чадахгүй, салбарынхаа ажлыг 10 хуруу шигээ мэддэггүй нөхдөөр “Нийтийн тээврийг дүүргэсэн” учраас  өнөөдөр ийм байдалд хүрч, хөхөө өвөл эхлээгүй байхад хүүхэд багачуудын гар хуруу хайрагдаад эхэлчхэж. Одоо тэгээд яах уу...?