Мөн ч их хүлээсэн... 

УИХ-ын гишүүн болохын төлөө уралдаж амандаа орсон бүхнийг хэлж, сонгогч олныг хуурсаар бараг л  мэргэжлийн болсон нөхөд бол  улстөрчид. Тэд мөрийн хөтөлбөр гэж сүрхий юм танилцуулж, шинжлэх ухааны үндэслэлтэй энэ тэр гээд чухам л сүр сүр тайлбарладаг ч биелдэг нь тун ховор. 

Эрх барьж буй МАН-ын мөрийн хөтөлбөрт гэхэд олонд итгэл төрүүлсэн маш олон  төслүүд “ХӨГЖИЛД ХӨТЛӨХ МЕГА ТӨСЛҮҮД” нэртэйгээр бичигдсэн байдаг.

Тодруулбал

• Таван толгойн нүүрсний ордыг бүрэн ашиглалтад оруулна.
• Оюу толгойн далд уурхайг ашиглана.
• Цагаан суваргын ордыг ашиглалтад оруулна.
• Хармагтайн ордыг ашиглалтад оруулна.
• Асгатын мөнгөний ордыг ашиглалтад оруулна.
• Салхитын мөнгөний ордыг ашиглалтад оруулна.
• Эрдэнэт, Багануур, Шивээ-Овоогийн шинэтгэл, өргөтгөл хийж, үйлдвэрлэлийн хүчин чадлыг нэмэгдүүлнэ.
• Уул уурхай, хүнд үйлдвэрийн дараах цогцолборуудыг байгуулна.
• Газрын тос боловсруулах цогцолборыг ашиглалтад оруулж, нефть-химийн үйлдвэрийн суурийг тавина.
• Таван толгойн нүүрс-хими, кокс-хими, метан хийн үйлдвэрлэл ашиглалтад оруулна.
• Нүүрс угаах үйлдвэрүүд шинээр барьж, угаасан нүүрсний хэмжээг 30 сая тоннд хүргэнэ гэх зэргээр 20 гаруй үйлдвэр барих тухай “ХӨГЖИЛД ХӨТЛӨХ МЕГА ТӨСЛҮҮД” -дээ дурдсан байдаг.

Эдгээр төслүүдээс нь Монголын ард түмэн “Газрын тос боловсруулах үйлдвэр”, “Нүүрс угаах үйлдвэр”-ийг мөн ч их хүлээсэн. Харин  өнөөдөр мөрийн хөтөлбөрүүд нь цаасан дээр бичээстэй хэвээр,  булт олон шатахууны гачланд автаастай, угаасан нүүрс байхгүй тул утаагаараа амьсгалаастай л байна...