Цинтао: Шар айргийн түүхий эд рүү шээсэн хэргийг мөрдөн шалгаж байна

Хятадын хамгийн том шар айраг үйлдвэрлэгчдийн нэг Цинтао /Tsingtao/ үйлдвэрийн ажилтны үйлдэл олон нийтийг бухимдуулж байна.

Өнгөрөгч пүрэв гараг /2023.10.19/-т цахим сүлжээнд нийтлэгдсэн видеонд “Цинтао” шар айрагны үйлдвэрийн агуулахын эрэгтэй ажилчин өндөр ханатай чингэлэг рүү авирч гараад, шээж буйг харуулсан. Энэ бичлэгийг Хятадын олон нийтийн сүлжээ болох "Weibo" платформ дээр хэдэн арван сая хүн үзэж, үзэл бодлоо илэрхийлж байна.
Тус компани нь Хонконгийн хөрөнгийн биржид бүртгэлтэй, шар айрагнй үйлдвэрлэлээр Хятаддаа хоёрдугаар бичигддэг. Дотоодынхоо шар айрагны хэрэгцээний 15 хувийг хангадаг том компани.
Харин “Цинтао” үйлдвэрээс баасан гараг /2023.10.20/-т болсон явдлын талаар цагдаад хандсан бөгөөд мөрдөн байцаалтын ажиллагаа үргэлжилж байна гэж мэдэгджээ. Тухайн мэдэгдэлд, “Манай компани аравдугаар сарын 19-ний өдөр “Цинтао” шар айрагны гуравдугаар үйлдвэрээс гарсан холбогдох бичлэгт ихээхэн ач холбогдол өгч байна” гэжээ.