Угаар үнэртэж байна гэх мэдээллийг албаныхан тодруулахаар ажиллаж байна

Moderator

2023/10/12

Налайхын төмрийн үйлдвэрт газ дэлбэрснээс үүдэн хорт хий үнэртэж байгаа тул цонхоо онгойлгохгүй байх сэрэмжлүүлэг мэдээлэл цахим орчинд тархаад байна.

Дээрх мэдээллийг ОБЕГ-аас тодруулахад "Энэ үйл явдал өнгөрсөн сар болсон. Одоогоор газ дэлбэрсэн гэх дуудлага мэдээлэл ирээгүй" гэлээ. Мөн "Газ бол агаарт удаан хугацаанд дэгдэж, үнэртэх боломжгүй. Тиймээс өөр зүйл байх" гэсэн мэдээллийг албаны хүн өгч байна.

Тэгвэл яг одоо нийслэлд агаарын чанар ямар байгаа талаарх agaar.mn сайтын мэдээллийг хүргэе. Өглөөний 08.30 цагийн байдлаар Бөхийн өргөө, Баруун 4 зам, Яармаг, Хайлааст, Таван буудал орчимд агаар бага бохирдолтой байгаа бол бусад хэсгүүдэд агаарын чанар цэвэр, хэвийн гэсэн үзүүлэлттэй байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.