​ Ерөнхий сайд аа, геноцед үйлдэх гэж буй Б.Чойжилсүрэндээ хариуцлага тооц

Ерөнхий сайд аа, нийслэл хотыг цементэн ширэнг болгосон Б.Чойжилсүрэнг Эрчим хүчний сайд болгосны чинь горыг иргэд амсаж, туршилтын “туулай” болмооргүй байна.
Тиймээс тэр хүнээ эрчим хүчний салбараас холдуулж, эрүүлээр сэтгэдэг мэргэжлийн, хүний эрхийн мэдлэг, мэдрэмжтэй хүнээ томилбол яасан юм бэ.
Орчин цагт аливаа бүтээгдэхүүнийг тусдаа үйлдвэр, орчин нөхцөлд туршдаг болчхоод байгаа. Гэтэл кабинетийн сайд ч чинь “Одоо 31,7 тэрбум төгрөгөөр нийслэлийн бондоор 24500 тонн хагас кокс гэдэг бүтээгдэхүүн оруулж ирээд энэ өвөл 12 дугаар сарын 15-ны хооронд Нисэх, Яармаг, Налайх, Дархан хотод туршилт хийнэ. Туршилтад орох байршлуудын тухайд урьдчилан туршилт хийж технологио эцэслээд их том алдаа хийхээсээ өмнө ямар ч байсан нүдээр үзье гэж байгаа.” гээд яриад зогсож байна.
Өнөөх хэл ам дагуулаад байгаа хагас коксжсон бүтээгдэхүүний тухайд ингэж ярьж буй сайдыг урьд өмнө харж байгаагүйн дээр иргэдээ нийтээр нь туршилтад оруулна гэж ярьж байхыг сонсоогүй. Одоо ч иргэд угаартаж нас барсан гашуун мэдээ өдөр бүр гарч байгаа. Мэдээ түлш гэх ойлголт төрүүл, нас барагсадад бурууг үүрүүлж байгаа.
Гэтэл дахиад шинэ бүтээгдэхүүнийг иргэддээ туршина гэдэг чинь нэг ёсондоо хүмүүлэг ёсны эсрэг гэмт хэрэг, геноцед шүү.
Нийслэлчүүдийг үерт автуулах шахсан Б.Чойжилсүрэн сайд энэ удаа агаарын бохирдлыг эсрэг гэж том дуугараад нийтийн эрүүл аюулгүй орчинд илүү ноцтойгоор халдах гэж байгаад Ерөнхий сайд нь хариуцлага тооцож, ХЭҮК ч үгээ хэлэх ёстой үе ирчхээд байна шүү.