Б.ЖАРГАЛСАЙХАН: ОРОН НУТГААС ГИШҮҮДИЙГ БӨӨНӨӨР НЬ АВЧИРЧ "НАДАА САНАЛ ӨГӨӨРЭЙ" ГЭСЭН АЯН ӨРНҮҮЛЖ БАЙНА

Moderator

2023/09/20

"БНН"-ын дарга Б.Жаргалсайхан МҮХАҮТ-ын Ерөнхийлөгчид нэр дэвшиж буй. Тэрбээр энэ удаагийн ИХ хурлын талаар байр сууриа илэрхийллээ.

Тэрбээр "Манай хувийн хэвшлийн үйл ажиллагаанаас нийгмийн маш олон асуудал шийдэгдэнэ. Их хурал аль болох нээлттэй байх ёстой.

Үргэлж луйвар булхайгаар аливаа зүйлийг шийдэх гээд гишүүдийг орон нутгаас бөөнөөр нь авчирч багцлан "надаа санал өгөөрэй" гэсэн аян өрнүүлж сонгуулийг хийж байна.

Энэ бол байж болохгүй зүйл. УИХ-ын сонгууль ямар заваан, эмх замбараагүй болдог билээ. Олон нийтийн байгууллагын сонгуулийг завааруулах алхмууд хийгдээд байгаа нь ажиглагдаж байна. Танхимын ахмад гишүүдийг хүртэл хуралд оруулсангүй. Шударга зарчим дээр суурилсан хурал байх ёстой. Орон нутгийнхныг буудалд идүүлж, уулгаад таван цаас өгөөд хийдэг сонгууль байж болохгүй. Цаашид танхимын сонгууль УИХ-ын сонгуулийн жаяг болох нь" хэмээлээ.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.