“СU”-д хэн дархан эрх олгосон бэ

Аливаа хууль тогтоомж нь тодорхой зорилттой байдаг. Тэгвэл Архидан согтуурахтай тэмцэх тухайтай хууль”-ийн зорилтод “Согтууруулах ундаа үйлдвэрлэх, импортлох, худалдах /үйлчлэх/, хэрэглэх, архидан согтуурахтай тэмцэх, архидан согтуурахаас урьдчилан сэргийлэх үйл ажиллагаатай холбогдсон харилцааг зохицуулна” гэж заасан байдаг. Гэтэл энэ хууль алхам бүрдээ бүдэрч байна гэхэд нэг их хэтийдсэн болохгүй. Ингэж хэлэхийн учир нь баар цэнгээний газар, караоке дэн буудал, буудлууд гээд бүгд л архинд тулгуурлаж  үйл ажиллагаагаа явуулдаг  юм байна гэх байдал ажиглагддаг.

Ганцхан жишээг дурдахад Монголын зах зээлд “СU” гэх дэлгүүр үүд хаалгаа нээгээд даруй 5 жил байна.  Тэгвэл энэ дэлгүүрүүд архи согтууруулах ундааг шөнийн 03:00 цаг хүртэл зарж  архинд донтож, архины хамааралтай болж байгаа  залуус тийш хуйларч ““СU” САЙН”  гэх хандлагатай болоод удаж байна.

Гэхдээ бүх “СU”   архи, согтууруулах ундаа зардаггүй гэдгийг энд дурдах нь зүйтэй бөгөөд  эдгээрийг зардаг хэдхээн салбарыг  нь хүчний байгууллагын  том боссуудынх гэж ярьдаг нь ч үнэний ортой байж мэднэ. Ингэж хардахын учир нь  ямар ч “Аргүй” нэгэн  үүр шөнийн зааг хүртэл  буюу 03:00 цаг хүртэл  хууль зөрчөөд архи зараад байж байхгүй нь тодорхой шүү дээ.

Уг нь 8 нэрийн барааны дэлгүүр ажиллуулдаг дэлгүүрүүд 00:00 цагт хаах ёстой бөгөөд хууль дүрэм журмаа биелүүлдэг нь яг  цагтаа хаадаг. Хэрэв хууль зөрчвөл тэдний тусгай зөвшөөрлийг нь  хураах хүртэл арга хэмжээ авдаг.

Тэгвэл “СU”-гийн энэ  даварсан үйлдлийг хазаарлаж Монголоор дүүрэн ажилгүй залуусаа  архинд бүр мөсөн живхээс нь өмнө арга хэмжээ  авъя.