Нэг нүд маань төрөлхийн хараагүй нөгөө нүдийг минь зүгээр болгоно гээд бүр ДОРДУУЛЛАА

Орбита эмнэлэгт 59 хоногийн өмнө хагалгаанд орж хохирсон иргэн мэдээлэл хийж байна. Тухайн иргэн нь орон нутгаас нийслэлийг зорьж Орбита эмнэлэгт хагалгаанд орсон юм. Тухайн иргэн ажил хөдөлмөрөө эрхлэж байх хугацаандаа нэг нүдэндээ гэмтэл авч улмаар Орбита эмнэлэгийн үзлэгт орж зөвлөгөө авчээ. Тухайн үед эмнэлэгийг зүгээс хагалгаа хийх шаардлагатай гэсэн онош тавьж хагалгаанд оруулсан боловч тус хагалгаа үр дүнгүй болж дахин хоёр удаа хагалгаанд орсон аж. Эмч нар нь 3-6 сарын дараа асуудалгүй эдгэнэ гэж хэлсэн өнөөдрийг хүртэл эдгээгүй биеийн байдал нь улам дордож буйг хэллээ. Тэрбээр “Миний бие 59 хоногийн хугацаанд хохирол гомдлоо барагдуулахаар хууль дүрмийн дагуу төрийн байгууллагуудад хандаж явлаа. Төрийн алба, Орбита эмнэлэг аль аль нь дорвитой шийдвэр өгсөнгүй. Харин ч бүр намайг айлган сүрдүүлж явдаг газраараа яв, юм олж долоохгүй гэж доромжилж байна. Яг өнөөдрийн байдлаар Орбита эмнэлэгийн зүгээс хохирол гомдлыг барагдуулахгүй гэсэн байр суурьтай байгаа. Нэг нүд маань төрөлхийн хараагүй, нөгөө нүдийг минь зүгээр болгоно гэж хагалгаанд оруулаад бүр дордууллаа. Энэ хагалгаанаас болоод бүрэлзээд сааралтаад байгаа цаашдаа хараа улам муудвал хорвоог тэмтчиж явах болно. Өнөөдөр Орбита эмнэлэгийн Удвал намайг өрөвдөж байна гэнэ. Өрөвдөж байвал миний хохирлыг барагдуулаад өг гэлээ.