ТӨР СИСТЕМ ХӨГЖҮҮЛЭХГҮЙ, ХУВИЙН ХЭВШЛЭЭ ДЭМЖИЖ, ХАМТРАН АЖИЛЛАНА

Moderator

2023/08/31

Харилцаа холбоо, мэдээллийн технологийн салбарын хувийн хэвшлийн байгууллага, гарааны компаниудын үйл ажиллагаатай тогтмол танилцаж байна.

Өнөөдөр, Venture studio чиглэлээр үйл ажиллагаа явуулж, гарааны олон бизнес, төслүүдийг төрүүлэн гаргаж, хөгжүүлж байгаа Интелмайнд ХХК болон гарааны бизнесийн экосистемийн гол оролцогчдын нэг болох Сократус Стартап Студиогийн зорилго, үйл ажиллагаатай танилцлаа. Тэдэнд тулгамдаж байгаа асуудлуудыг шийдэх талаар харилцан ярилцаж, санал солилцлоо.

Энэ хүрээнд хиймэл оюун ухааныг төрийн бодлогод хэрхэн ашиглах бодлогын бичиг баримт боловсруулна. Мэдээлэл технологийн үйлдвэрлэлийг дэмжих багц хуулийн төсөлд хувийн хэвшлийнхний санал, хүсэлтийг тусгаж, хамтран ажиллана гэдгээ илэрхийллээ.

Төр систем хөгжүүлэхгүй гэдэг бодлогын цаана амжилттай ажиллаж буй туршлагатай хувийн компаниудаа дэмжих бодлого явж байна. Энэ хүрээнд 28 чиглэлээр хувийн хэвшлээ дэмжиж ажиллана. Цаашид Мэдээлэл, технологийн үндэсний парк технологийн бизнесүүдийг бойжуулах, дэмжих чиглэлээр олон улсын жишигт нийцсэн бодлогыг хувийн хэвшилтэй хамтран хэрэгжүүлэх болно.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ