Хүчирхийлэлд өртсөн зургаан настай хүүхдийг хамгаалах байранд авчээ

Өнөөдөр нийгмийн сүлжээнд зургаан настай хүүхэд хүчирхийлэлд өртөөд байгаа талаарх бичлэг тархсан. Тодруулбал, "Аавуудын групп" фэйсбүүк  хуудсанд нэг иргэн нэрээ нууцалж “Зургаахан настай нялх үрийг маань аягх угааж, шал угааж чадахгүй байна хэмээн зодож г.ий, п..да гэж харааж тэрнийгээ бичлэг хийн над руу явуулж дарамтлах юм. Хаана хандаж, яаж тэмцэх ёстой вэ? Би энэ хүмүүстэй" гэсэн тайлбартай бичлэг нийтэлсэн. 

Тэгвэл Цагдаагийн байгууллагад энэ сарын 23-ны өдөр "Хан-Уул дүүргийн 9 дүгээр хорооны нутаг дэвсгэр ..... дугаар тоотод хүүхэд зодоод байна" гэх дуудлага, мэдээлэл ирсэн байна. Энэ дагуу Хан-Уул дүүргийн цагдаагийн газраас иргэн Ч, С нарын үйлдэлд холбогдох шалгалтын ажиллагааг явуулж, насанд хүрээгүй хүүхдүүдийг Түр хамгаалах байранд хамгаалалтад авчээ.