Аминдаа хайргүй Монголчууд

Moderator

2023/07/25

Голын эрэг дагуу буюу үерийн эрсдэлтэй бүсэд 3227 айл өрх суурьшиж байгаа тоон мэдээлэл байна. Эдгээр айл өрх одоогоор хамгийн аюултай нөхцөлд байгаагаас гадна зарим нэгийнх нь гэр сууц үерт аль хэдийнэ урссан байх ч магадлалтай.
Үерийн эрсдэлтэй бүсэд газар олгох нь хориотой. Гэвч иргэд дур мэдэн үерийн аман дээр бууж, шууд л хашаагаа хатгадаг. Газрын албанаас иргэдэд тухайн эрсдэлтэй бүсэд газар олгохгүй гэж сануулдаг ч иргэд энэ тайлбар, сануулгыг хүлээн авдаггүй. Зарим айл өрх нь гэрчилгээ ч үгүй оршин суусаар л... Гэвч яг үер болж, гэр орон нь урсахын наах нь газрын албаныхныг харааж, зүхэн Онцгой албаныхныг хурдан шуурхай ажиллахыг шаарддаг. Авлига хахуулиар голын эрэг дагуу том том барилга барьсан газрууд үерт өртсөн ч мөнгөтэй учир босоод ирнэ гэх. Гэвч гэр, байшингаас өөр эд хөрөнгөгүй хүн байгаагаа үерт урсгачихвал яах билээ. Бүр цаашлаад амь насаа ч алдах эрсдэлтэй шүү дээ. Бид хэзээ аминдаа хайртай болох вэ?

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ