Ц.АМГАЛАНБААТАР: “С.Зоригийг алсан гэж хэлээд гадаад руу үхсэн болоод зугт. Ц.Элбэгдорж гарын үсэг зураад л болоо” гэж намайг дарамталдаг байсан

ХЭҮК-ын Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмэн, Ц.Амгаланбаатартай холбоотой асуудлаар мэдээлэл өглөө.

    Энэ үеэр Ц.Амгаланбаатар “Миний хувьд 2013 оны долдугаар сарын 18-ны өдөр Тагнуулынхан анх хүрч ирэн “Чи зоригийг алсан гэж хэл, ингэ, тэг гэж намайг дарамталж эхэлсэн. Би үгүй гэсэн. Тэгээд л зөндөө асуудалд унаад зам шалгалтаар яв хүүхдийг чинь ингэж ална шүү гээд. Тухайн үед 2013 оны 11 сард гэнэт миний хуучин эхнэр хүү хоёрыг маань дамжжин дээр аваад ирж байгаа байхгүй юу. Тэгээд авчрангуут нь тэр хоёртойгоо уулзаад байж байсан чинь миний зургийг авсан. Тэгээд араас нь хүү маань эх нялхаст цусны өвчтэй хэвтэж байхад нь тийм бичлэгийг нь надад үзүүлээд “За одоо энэ хүүгийн чинь дусал руу ингээд юм шахаад реакц өгсөн гээд алчих уу. Чи Зоригийн хэргээр тууштай явах юм уу” гэдэг надад ийм дарамд шахалт үзүүлсэн. Дараа нь эмэгтэй дүүг маань ажлаа тараад явж байхад нь өрөөндөө байж байхад нь хийсэн бичлэгиийг надад үзүүлээд “Дүү охиныг чинь хэдэн залуучууд аваад хээр хүчиндээд л алчихвал яах вэ. Чи ингээд Зоригийн хэргийг хүлээгээд цаашдаа явах уу” гэдэг ийм асуудал надад тулгасан. Эрэгтэй дүүг маань хүртэл зургийг нь явуулж байсан. Ийм шалтгаанаар намайг дарамталж байсан. Мөн “За чамайг шоронгоос гаргаад гадаад улс руу үхсэн гэж гаргаж өгнө. Ерөнхийлөгч Ц.Элбэгдорж гэдэг хүн гарын үсэг зураад л болоо. Чиний бүх юмыг бүрдүүлчихсэн байгаа” гэдэг ийм яриа надад анх тагнуулаас Мөнхгал, Баяр гээд хоёр хүн хэлсэн” гэв.