“Хээр алаг”, “Шийр алаг” нөхдийг хэрхэх вэ

Ардын хүүхдийг алах гээд элдэж яваа аав, соёлын салбарыг солиоруулж яваа охин 2-оос  төр түмний ажлыг холдуулж хайрла

Их мэдэгчийн дүр эсгэсэн аав охин хоёрыг одоо яах болж байна вэ... Яг язгуураар нь аваад үзвэл “Эх нь хээр алаг бол хүү нь шийр алаг” гэгч л тэр.

УИХ-ын гишүүнээр сонгогдож соёмбот тугандаа адислахаасаа эхлээд л хөгшин тэмээ аятай лаг хийтэл газар уначхаж байсан тэнцвэр муутай энэ эмийг Соёлын сайдаар тавьсан нь буруу гэдгийг захын хүн хэлээд өгнө.

Уг нь Соёлын яамтай болохдоо урлагийнхан баярлаж, урлагт дуртай ард түмэн “Одоо л нэг зөв явах нь уу...” гэж байсан ч “Зэрлэг аавын охин”-д урам нь хугарсан нөхдийн тоо олон байсан нь ч нууц биш.

Сайд болсоор хийж гавьсан юм үнэндээ алга. Аргагүй  мэдлэг нь жулдаж, чадвар нь гологдож байгааг “Соёлын сэргэлт” ажиллагаанаас нь ч харж болно.

Энэ эмэгтэй соёлын хөгжил, соёлын сэргэлтийг дуу дуулахаас өөрөөр харж үнэндээ чадахгүй байгаа бөгөөд аавынхаа тарьсан төмсийг л ууталж тараагаад явж байхаар хүн гэж олны зүгээс дүгнээд байгаа.  

Боловсролтой нэр зүүсэн боловсролгүй, боловсон бус ийм хүнээс хийсэн бүтээсэн зүйл чинь хаана байна гэж нэхэх ч хэрэггүй биз.

Олны ярьдгаар Хөдөлмөрийн баатар цолыг худалдаад авчихсан тэрбээр ямар том загнаж Монгол төрийн хууль тогтоомжуудыг дэвслэв ээ. Төрийн албан хаагчдыг гүтгэж, доромжилж бэлчээрийн доройтолд орж, цөлжилтөд нэрвэгдээд байхад азарга азарга адууг  ачиж ирээд шороо асгах мэт буулгах эрх түүнд  битгий хэлд нь ч байхгүй Тиймээс Л.Чинбатыг “Шувуу” ажиллагаанд үтэр түргэн хамруул.

Нөгөөтэйгүүр Соёлын сайд Ч.Номин өнөөг хүртэл загас мэт  дуугүй байгаа нь Монгол түмнээ үнэнхүү дорд үзэж байгааг нь  бэлхнээ харуулж байна.