Г.Ганболдыг хүлээх хэрэггүй

УИХ-ын гишүүн Г.Ганболд нүүрсний гэх хэрэгтэй холбоотой түр хороог ахалж буй. Гэхдээ түүнийг нийтийн сонсголыг хийнэ гэж хүлээх шаардлагагүй юм байна.

Уг нь дээрх сонсголыг дөрөвдүгээр сарын 10-12-нд зохион байгуулах ёстой байсан. Гэвч АТГ-аас мөрдөн байцаах ажиллагааны нууцыг задруулах, хөдлөнгөөс саад учруулах магадлалтай гэж үзсэн учраас хойшлуулчхаад байгаа.

Уг нь тухайн сонсголоос нүүрсний хэрэг хэрхэн үйлдэгдэж, хичнээн хүн холбогдож, ямар нөхцөлд яваа гээд бүх зүйл тодорхой болохоор байсан.
Харамсалтай нь АТГ-ын хүсэлтээр үү, авлигад идэгдсэн хүмүүсийн шаардлагаар уу ямар ч сонсголыг чимээ үгүй болсон.
Тэгвэл түүнээс нүүрсний хэрэгтэй холбоотой сонсголыг нийтэд хүртээмжтэй байдлаар зохион байгуулна гэж хүлээх хэрэггүй аж.

Тэр бусдынхаа адил БЗС-гаас хувь хүртчихсэн суугаа нэгэн. Мань Г.Ганболд гишүүний охин Г.Уянга тус сангаас 2018 онд АНУ-ын Ливерпүүлийн их сургуульд 56 мянган ам.доллараар эдийн засгийн мэргэжлээр явжээ. Одоогоор БЗС-гийн мэдээлэлд гэрээний үүргээ гүйцэтгэж буй гэж байгаа.

Гэхдээ Г.Ганболдын охин Г.Уянга тэргүүлэх мэргэжлээр сураагүй нь анхаарал татаж байгаа юм. Харин ч бүр Монгол Улсад илүүдэлтэйд нэрлэгддэг эдийн засгаар суралцаж байгааг нь хардахаас аргагүй.
Товчхондоо, нүүрсний хэрэгт холбогдогчдоос нүүр бардам асуулт тавьж чадахгүй, БЗС-гаас бусдын боломжийг хулгайлсан хүн түр хороог ахална ч гэж юу байх вэ дээ.