Эрх нь цуцлагдсан "Үүлэнгөү" хэний ивээлд байдаг вэ...

"Үүлэнгөү" гэх компани Үндэсний аюулгүй байдлын тухай хууль зөрчсөн тул Монгол Улсын хууль тогтоомжийн дагуу хариуцлага хүлээнэ” гэж олны зүгээс харж, хүлээж байгаа.  

Хэрэв энэ компанид хариуцлага хүлээлгэж чадвал бусад үйлдвэрүүдэд ч том сургамж болно.

2022 оны 6 дугаар сард хийсэн шалгалтаар "Үүлэнгөү"-г лацдаж эрхийг нь цуцалсан байхад яагаад дахин ажиллаж, дахин ийм ёс бус үйлдэл гаргав гэдэг нь том асуудал бөгөөд хэний ивээлд байдгийг нь булт олон сонирхож байна.

Нөгөөтэйгүүр урьдчилсан шинжилгээний дүнгээр махны хадгалалт зөрчигдсөн, зориулалтын бус орчинд боловсруулж байсан нь тогтоогдсон байхад мэргэжлийн байгууллагууд аль эрт гараа өргөчихсөн хариулт хэлж олныг бухимдуулж байна.

Тэдний хэлж буйгаар "Үүлэнгөү" компанийн 14 тн орчим махыг шинжилгээний хариуг харж байж устгах эсэхийг шийднэ” гэнэ.

Зориулалтын бус газар хадгалсан, өнгө хувиргагч, амт үнэр дарагч хэрэглэж байсан махны шинжилгээ сайн гарах нь юу л бол. Тэгээд ч экспортонд гаргах гэж байсан, Монголд худалдаалах гээгүй гэж мэдүүлж.

Тэгвэл Монгол Улсын хилээр гарч, Монголд  савлагдаж үйлдвэрлэгдсэн, монголын махыг "Хятад компаниынх" гэж олон улсын зах зээлд харах нь юу л бол.

Тиймээс "Үүлэнгөү" компанийн энэ асуудлыг илээд өнгөрч огт болохгүй. Тэгээд ч үхсэн малын мах байх өндөр магадлалтай гурьдчилсан абйдлаар дүгнээд байгаа шүү дээ.