Зоргоороо нөхөд 180 сая төгрөг хийсгэчихлээ

Хөгжлийн бэрхшээлтэй иргэдийн ур чадварын Олон улсын Абилимп тэмцээн Франц улсын Мэтц хотноо 03 дугаар сарын 24-25-ны өдрүүдэд зохион байгуулагдсан. 

Олон улсын 10 дахь Абилимп буюу мэргэжлийн ур чадварын тус уралдаанд манай улсаас хөгжлийн бэрхшээлтэй 13 оролцогч оролцож байгаагийн 6 нь сонсголын бэрхшээлтэй тамирчид байв. Гэтэл тэдний дохионы  хэлний  орчуулагч нь хангалтгүй ажилласан учраас  хөгжлийн бэрхшээлтэй 1 оролцогч  хатгалмалын төрөлд хүрэл медаль  хүртэж бусад нь   байр эзэлж чадсангүй. 
Учир нь  тэдгээр 13 тамирчинд дохионы хэлний мэргэжлийн 4-5 орчуулагч хэрэгтэй байв. Гэтэл тус тэмцээнд нийт 31 хүн явсан бөгөөд 18 нь эрээвэр хураавар нөхөд байсан.  Товчхондоо бол тамирчдаасаа  тоо нь илүүдсэн дарга нар, ар өврийн хаалгаар явцгаасаны балаг энэ гэсэн үг. Энэ тэмцээнд оролцохоор улсын төсвөөс  буюу Хөдөлмөр эрхлэлэтийг дэмжих сангаас 180 сая төгрөг гаргаж ийнхүү үр ашиггүй зарлагадсан гэсэн үзг. 
Тамирчдын хувьд өөлөх юмгүй. Тэд 2022 онд Монгол Улсад анх удаа зохион байгуулсан “Монгол абилимп-2022” уралдаанд шилдгээр шалгарч ийнхүү эх орноо төлөөлсөн юм.
Хэрэв  тэдэнд  мэргэжлийн дохионы хэлмэрч багш хангалттай, үгүй ядахдаа 2-3 багш  байхаар тооцож явуулсан бол  ганзага дүүрэн ирэх байлаа. 
Ингэж хэлэхийн учир нь  дохионы орчуулагч С.Бямбадэлгэрийг жилийн чөлөө авсан байхад нь  дуудан дуудан авч явсан бөгөөд бие нь тааруу байсан гэх тэрбээр очоод үүрэгт ажлаа хангалттай хэмжээнд хийж чадаагүй учраас сонсголгүй оролцогчдод орчуулгыг дутуу өгсөний улмаас ийнхүү байр эзэлж чадаагүйд хөгжлийн бэрхшээлтэй нийт иргэд бухимдаж байна. 
С.Бямбадэлгэрийн хувьд түүнийг ашиг сонирхлын үүднээс ийнхүү явсан гэж үзэж буй бөгөөд ингэж үзэх үндэслэлтэй. Учир нь тэрбээр ковидын үеийн 2 жилийн мэдээ мэдээллийг олон нийтэд түгээсэн ажлын хөлсийг бусад орчуулагч нар өгөлгүйгээр өөртөө авсан гэх мэдээлэл байдаг. 
Иймд дээрх мэдээллийг  шалгаж, буруутай этгээдүүдэд хариуцлага тооцож  олон түмэнд мэдээлэх нь зүйтэй биз ээ. Тэгээд ч улсын эдийн засаг хүндхэн байгаа энэ үед  татвар төлөгчдийн бүрдүүлсэн 180 сая төгөрг гэдэг бага  мөнгө биш ээ.