Тэжээл хулгайлж 48 мянган төгрөгийн хохирол учруулсан иргэдэд нэг жилийн ХОРИХ ЯЛ оноожээ

Moderator

2023/02/03

Б болон Э нар бүлэглэж бусдын эзэмшлийн тариан талбайгаас 12 ширхэг ногоон тэжээлийг тээврийн хэрэгсэл ашиглан хулгайлж 48 мянган төгрөгийн хохирол учруулсан хэрэгт буруутгагджээ.
Анхан шатны шүүхээс тэднийг бусдын эзэмшлийн талбай руу зөвшөөрөлгүйгээр орж, ногооны тэжээлийг тээврийн хэрэгсэлд ачиж хулгайлах гэмт хэргийг хүндрүүлэх шинжтэйгээр үйлдсэн гэм буруутай гэж дүгнэсэн. Улмаар тус бүрд 1 жилийн хорих ял оногдуулж, гэмт хэрэг үйлдэхдээ ашигласан Э-ийн тээврийн хэрэгслийг хурааж, улсын орлого болгон шийдвэрлэсэн байна.
Гэвч шүүгдэгч Б-ийн өмгөөлөгч Давж заалдах шатны шүүхэд гомдол гаргасэ, бүлэглэж гэмт хэрэг үйлдсэн нь эргэлзээтэй, тээврийн хэрэгслийг улсын орлого болгож шийдвэрлэсэн нь буруу учир Б-д холбогдох хэргийг хэрэгсэхгүй болгуулах” агуулга бүхий гомдол гаргасан боловч анхан шатны шүүхийн шийдвэрийг хэвээр үлдээж шийдвэрлэсэн байна.
Эрүүгийн хуульд гэмт хэргийг үйлдэх талаар урьдчилан үгсэн тохиролцсоныг, эсхүл урьдчилан үгсэн тохиролцоогүй боловч үйлдлээрээ санаатай нэгдсэнийг гэмт хэрэгт хамтран оролцсонд тооцно. Мөн гэмт хэрэг үйлдэхдээ ашигласан тээврийн хэрэгслийг хураахаар хуульчилсан тул шүүгдэгч нар бүлэглэн, машин механизм ашиглаж хулгайн гэмт хэргийг үйлдсэн нь нотлогдсон, анхан шатны шүүхийн шийдвэр үндэслэлтэй гарсан гэж давж заалдах шатны шүүх дүгнэжээ.

Хураангуйг бичсэн: Хэнтий аймгийн Эрүү, Иргэний хэргийн давж заалдах шатны шүүхийн шүүгч Г.Болормаа

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

24.139.6.93

2023/02/05

$10 hulgailaad 1 jil horigdoj bga bol 40ter bumaar idsen toriin urvagchuudaa hamaatan sadnaar ni niiluuleed 100n uyer ni shorond hataa
Хариулах
122.201.21.114

2023/02/04

хэдэн тэрбум их наядаар идэхгүй бол насаараа ч хоригдогно.
Хариулах