​ Автобус шатах нь хэвийн үзэгдэл үү

Автобус шатах нь энгийн үзэгдэл мэт болсон гэхэд хилсдэхгүй болж. Өнөө өглөө гэхэд Яармагийн III буудалд "Эрдэмтранс" компанийн автобус шатав. Тэгвэл шатсан автобусны ашиглалатын хугацаа дууссан буюу 2009 онд үйлдвэрлэгдсэн байжээ.
Яг өнөөдрийн байдлаар нийтийн тээвэрийн салбар нь 970 орчим автобусаар иргэдэд үйлчилдэг бөгөөд тэдгээрийн 500-гийнх нь ашиглалтын хугацаа дуусаад буй аж.
Энэ нь манай улс сүүлийн 13 жилд нийтийн тээвэртээ парк шинэчлэл хийгээгүйтэй холбоотой. Нөгөөтэйгүүр нийтийн тээвриийн талаар авч хэрэгжүүлж буй арга хэмжээ үр дүн муутай, энэ салбарыг төдийлэн анхаардаггүйтэй холбоотой гэж хэлж болохоор байна.
Тэгвэл дэлхийн улс орнууд нийтийн тээвэртээ маш их анхааал тавьдаг бөгөөд хамгийн энгийн наад захын жишээ бол олон хүний амь нас тээж яваа автобусны рам сайн, бат бөх байх, осол аваар талаас нь бодоод үзсэн ч зорчигдын эрүүл мэнд амь насанд хохирол учруулахгүй бай талаас нь бодолцож шийдсэн байдаг байна.
Өнөөдрийн байдлаар манай улсын нийтийн тээврийг хэюийн хэмжээнд байрьж байя гэвэл 1400 орчим автобус байх шаардлагатай гэдгийг албаны хүмүүс удаа дараа онцолсон байдаг.
Гэтэл бид Хяатад улсаас оруулж ирж байгаа 200 гаруй автобустаа, Түгжрэлийн сайдын багцанд тусгагдсан 300 орчим автобусанд найдаад сууж, автобус шатах нь хэвийн үзэгдэл мэтээр хүлээж авдаг болчихлоо.