Сайд салбарынхаа ажилчдыг өмөөрөв

УИХ-ын өнөөдрийн буюу 1 дүгээр сарын 12-ны өдрийн чуулганы нэгдсэн хуралдаанаар “Ерөнхий хяналтын сонсголын тайланг хэлэлцсэнтэй холбогдуулан авах арга хэмжээний тухай” УИХ-ын тогтоолын төслийг хэлэлцэж буй. 
Энэ үеэр  Зам тээврийн хөгжлийн сайд С.Бямбацогт "Одоо хүн болгоныг хулгайч болгодог болголоо... Хөгжлийн банкан дээр ч сайн мууг нь ялгахгүй харлуулах ажиллагаа явагдаж байсан. 
Түүн шиг нүүрсэн дээр ч бүгдийг нь харлуулж байна. Ингэж болохгүй. Төмөр замчин, дохиочин, үйлчлэгч нар, нүүрс тээвэрлэж байгаа жолооч нар хулгайч биш. Ард нь зохион байгуулж байгаа газарт л хулгай байгаа... Одоо воган дагасан нүүрсний хулгай байхгүй болно. Тээвэрлэлттэй холбоотой хулгайг арилгана, үүний төлөө ажиллаж байна" хэмээв.
Эрхэм сайд энэ үгээрээ  мөрөөрөө ажлаа хийж  байгаа салбарынхандаа бага боловч урам өгөв бололтой.