Ерөнхийлөгчийн бүрэн эрх түүхэн шийдвэрт хүрэх үү

Яг одоо МАН-ын Удирдах зөвлөл төрийн ордонд хуралдаж УИХ, Засгийн газрыг тараах эсэх асуудлаар хэлэлцэж байна. Учир нь өчигдөр болсон залуусын жагсаал улстөрийн дээд түвшинд буюу Ерөнхийлөгч, ҮАБЗ-ийн хэмжээнд яригдаж УИХ-аас санал болгосон онц байдал тогтоох тухай асуудлыг Ерөнхийлөгч дэмжихгүй гэдгээ илэрхийлсэн учраас залуус жагсаалыг тайван замаар дуусгасан юм.

Харин энэхүү үйл явдлын дараа Ерөнхийлөгч нүүрсний хулгайчдад хариуцлага тооцох, сонгуулийн хуулиа өөрчилж, улмаар УИХ-ыг тарааж, Засгийн газрыг огцруулж ээлжит бус сонгууль зарлаж ард түмэнд сонгох эрх өгөх тухай яриа ҮАБЗ-ийн хүрээнд яригджээ. Мэдээж түүний энэхүү ард түмэндээ өгч буй боломж нь өөрт нь халтай ч гэлээ тэрбээр ард түмнийхээ нөхцөл байдал, уур хилэнг харж мэдэрсэн учраас УИХ-ын дарга Г.Занданшатар, Ерөнхий сайд Л.Оюун-Эрдэнэ нарт шахалт үзүүлж яаралтай шийдвэр гаргахыг үүрэгдсэн байна.

Тиймээс яг одоо хуралдаж буй МАН-ын УЗ-ынхөн төрийн тэргүүний энэхүү шийдвэрийг ч хүлээн авч УИХ, Засгийн газар хоёрыг хоёуланг нь тарааж, огцруулах тал дээр ч санал нэгдсэн байна. Түүхэнд анх удаа УИХ, Засгийн газар хоёрыг ард түмнийхээ төлөө тарааж, огцруулж буй хүн нь Ерөнхийлөгч У.Хүрэлсүх болж байна. Түүний энэхүү хүнд шийдвэр олонх болсон МАН-ынханд таалагдахгүй ч гэлээ нам харгалзахгүйгээр хүний өөрийн бүх нүүрсчдийг шалгаж гэм буруутайг нь тогтоож ял шийтгэлийг нь өгөх гэж байна.

Ямартай ч залуусын тэмцэл Ерөнхийлөгчид асар их хүч өгч УИХ, Засгийн газрыг тарааж огцруулж буй нь нүүрсний хулгайчидтай хамтдаа хариуцлага тооцох боломжийг олголоо.