С.Бямбацогт сайд аа, орон нутгийн нислэг амь тавьж байгаа нь таны шийдэх асуудал

Moderator
2022/12/02

Манай улсад шатахуун, түлштэй холбоотой асуудлын дөнгөж триллер нь болж байна гэж мэргэжилтнүүд хэлж байна. Түүний нэг нь орон нутгийн нислэг.

Тухайлбал Сүхбаатар, Дорнод, Өмнөговь, Говь-Алтай, Завхан, Хөвсгөл, Увс гээд Улаанбаатар хотоос хол орших, алслагдмал аймаг руу нисэх нислэг байхгүй байна. Харин Улаанбаатар-Баян-Өлгий чиглэлийн нислэгийн хоёр талын тийзийн үнэ 1.5 сая төгрөг байх жишээтэй. Авиа компаниуд үүнийг онгоцны шатахууны үнийн өсөлттэй холбон тайлбарладаг. Энэ нь ч үнэний ортой.
Харин нислэг ховор байгаа нь тийзийн үнэ, зорчигч бага байгаа шалтгаантай холбоотой гэдэг. Мэдээж дундаж амьдралтай нэг иргэний бараг 2 сарын цалингаар онгоцоор нисэх иргэн олдохгүй нь тодорхой.


Иймээс нислэгийн тийзийн үнийг бууруулахын тулд шатахууны үнийн өсөлттэй тэмцэх гэх үндсэн нэг гаргалгаа харагдаж байна. Хэний ажил вэ гэвэл төрийн ажил.


Гэтэл Зам, тээврийн хөгжлийн сайд С.Бямбацогтын зүгээс Монгол, Оросын хамтарсан компани байгуулж, шатахууны нийлүүлэлт хийнэ. Ингэснээр онгоцны шатахууныг одоо байгаа үнэ буюу 1 тонн тутам 1700 ам.долларын үнийг 300-600 ам.доллар болгож бууруулна гэх тайлбар хэлсэн. Мөн энэ нь холбогдох хуулийн төсөл батлагдах эсэхээс хамаарах гэнэ. Үүнээс үзвэл онгоцны тийзийн үнэ буурна гэх хүлээлт талаар болох нь харагдана.
Гадны улс руу нисдэг үнээр дотооддоо тийз худалдаж авах баян орон манай улс биш. Мөн тийзийн үнийг бууруулах сайдын тайлбар хаа хол, бас хөрш орноос хамаарах томоохон гацаа байна гэж харагдана.
Угтаа бол дотоодын нислэгийн үнэ буурснаар:
1. Орон нутгийн нислэг сэргэж, иргэдийн зорчих хөдөлгөөн нэмэгдэнэ. Энэ нь эргээд авиа компаниудад ч ашиг авчирна
2. Дотоодын аялал жуулчлал нэмэгдэнэ
3. Эрүүл мэндийн асуудлаар богино хугацаанд зорчих шаардлагатай иргэдэд хамгийн том дэмжлэг болно
4. Мөн 2023, 2024, 2025 оныг Монголд зочлох жил болгон зарлаж байгаа тул жуулчдыг татах чухал дэмжлэг болох юм.
Иймээс орон нутгийн нислэг амь зогоож буй энэ цаг үед С.Бямбацогт сайд аа хэлээд байгаа төрийн дэмжлэгээ яаравчлах хэрэгтэй байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.11
    2022/12/02

    Нислэгийн үнэ тариф 50%. буурна гээл нисэх шиг болж бсан одоо таг

    Хариулах
Сүүлд нэмэгдсэн мэдээ
45 минут

“1072 ХУВЬЦАА” НЭЭЛТТЭЙ ӨДӨРЛӨГ БОЛНО
3 цаг

Эрдэнэбүрэнгийн УЦС-ыг ашиглалтад оруулахад БНХАУ-аас бүх талын дэмжлэг үзүүлнэ.
4 цаг

ТӨСӨВ 2027: Төсвийн тэнцвэржүүлсэн орлогыг 41,3 их наяд, төсвийн зарлага 43,6 их наяд төгрөг
5 цаг

Өнөөдөр цахилгаан шугам тоноглолд хийгдэх засвар үйлчилгээний хуваарь
5 цаг

Иргэдийн анхааралд: Баавгайнаас болгоомжил
5 цаг

Цагдаагийн байгууллагын 102 тусгай дугаарт өчигдөр 2030 дуудлага, мэдээлэл бүртгэгджээ
5 цаг

Улаанбаатар хотод 14 цэгт 32 дахь “Ногоон өртөө”-г байгууллаа