Нүүрсний хулгайг илрүүлэхэд Хятадтай хамтарна

Нүүрсний хулгайн асуудал олон нийтийн анхаарлыг татаж, чухам хэн, хэзээ, яаж хулгайлчхав гэдэг нь хачирхалтай үйлдэл болчхоод байна.

Уг нь нүүрсний экспортод ганц олборлогч аж ахуйн нэгж ч биш тээвэрлэгчид, мэргэжлийн хяналт, тагнуул, хил, гааль гээд Монгол Улсын төрийн байгууллагууд ч хамтран оролцдог.

Тэд хамтраад хулгай хийсэн байлаа гэхэд БНХАУ-ын хилээр хэрхэн нэвтрүүлсэн байх вэ гэдэг нь ч анхаарал татах сэдэв мөн.

Уг нь прокурорын байгууллагаас Хятадын талаас зарим мэдээ, мэдээлэл болон хүсэлт илгээсэн ч тус улсын зүгээс түүнийг нь биелүүлэх боломжгүй гэх хариулт өгчээ.

Тиймээс Ерөнхий прокурорын газраас ХЗДХ-ийн сайд Х.Нямбаатарт хандан дэмжлэг үзүүлэхийг хүсчээ. Хэрвээ Хятадын гаалийн болон хил хамгаалах байгууллагатай мэдээлэл солилцож чадвал зарим эрүүгийн хэргийг илрүүлэх боломж нээлттэй болно гэж үзэж байгаа юм.