Хүчтэй салхи, цасан шуурганы улмаас 200 гаруй мал хорогджээ

Арваннэгдүгээр сарын 27-ны ням гарагаас ихэнх нутгаар цас орж, хүйтний эрч эрс чангарлаа. Ойрын хоногуудад цочир хүйтэн хэвээр үргэлжлэх бөгөөд шөнөдөө 36-41 хэм хүйтэн хонож байна. Цаг уурын энэ эрс хүйтэн, цасан шуурганы улмаас 11-р сарын 27-ноос эхлэн 29-нд шилжих шөнө хүртэл  мал хорогдох, гэр нурсан зэрэг хохирол гарчээ. Тухайлбал,

• Увс аймгийн Наранбулаг сумын Гүнбүрд багийн Цагаан чулуут хэмээх газарт 11-р сарын 27-нд 18-20 м/с хүчтэй цасан шуурга шуурсны улмаас нэг өрхийн 60 бог мал хорогдсон тухай мэдээллийг 11.28-ны  16:20 цагт хүлээн авчээ. Тус сумын харьяат Б-ийн 60 бог мал цасан шуурганд хорогдсон тухай мэдээллийг аймгийн Онцгой байдлын газарт мэдээлсэн.
• Ховд аймгийн Дөргөн сумын Агвааш багийн Цахир хошуун гэдэг газарт 11-р сарын.27-ны 02:00 цагийн орчим 18-20 м/с хүчтэй цасан шуурга шуурсаны улмаас 70 орчим бод мал хорогдсон тухай мэдээллийг 11.28-ны 16:20 цагт хүлээн авсан. Увс аймгийн Наранбулаг сумаас отор нүүдлээр явсан 10 өрхийн 72 үхэр цасан шуурганд хорогдсон тухай мэдээллийг аймгийн Онцгой байдлын газарт мэдээлсэн.
• Увс аймгийн Наранбулаг сумын Алдар багийн Толийн хөх толгой хэмээх газар аймгийн төвөөс урд зүгт 70 км, сумын төвөөс зүүн хойд зүгт 35 км-т 11-р сарын 27-ны 23:30 цагийн орчимд 18-20 м/с хүчтэй цасан шуурга шуурснаас нэг өрхийн 75 хонь, 9 ямаа хорогдсон тухай мэдээллийг 11-р сарын 28-ны 17:15 цагт хүлээн авсан. Тус сумын харьяат М-ийн 75 хонь, 9 ямаа цасан шуурганд хорогдсон тухай мэдээллийг аймгийн Онцгой байдлын газарт мэдээлсэн.
• Увс аймгийн Өндөрхангай сумын Жаргалант багийн Хөхийн-Эвэр хэмээн газарт 11-р сарын 27-ны 16:00 цагийн орчимд 14-16 м/с хүчтэй цасан шуурга шуурсаны улмаас хоёр гэр нурж унасан тухай мэдээллийг 11.27-ны өдрийн 17:20 цагт Онцгой байдлын газар хүлээн авчээ. Цасан шуурганд иргэн Э, Б нарын таван  ханатай гэр нурж, ашиглах боломжгүй болсон тухай мэдээллийг аймгийн Онцгой байдлын газарт мэдээлжээ.