Хан-Уул дүүрэг жендэрт суурилсан хүчирхийлэлтэй тэмцэх 16 хоногийн аянд нэгдэж байна

“Жендэрт суурилсан хүчирхийлэлтэй тэмцэх 16 хоногийн аян” анх 1991 онд 23 орон нэгдэн орсноор дэлхий улс орнууд жил бүрийн 11 дүгээр сарын 25-аас 12 дугаар сарын 10-ны өдрүүдэд нэг зорилго нэг уриатайгаар тэмдэглэж ирсэн бөгөөд өнөөдрийн байдлаар 187 орон нэгдсэн дэлхийн аян болж байна.
Монгол Улс 1997 оноос тус аянд нэгдсэн бөгөөд энэ жил Монгол Улсын Засгийн газар, Жендэрийн үндэсний хорооноос НҮБ-ын Хүн Амын Сангийн дэмжлэгтэйгээр зохион байгуулж, “НАНДИН БҮХНЭЭ ХАМГААЛЪЯ – ӨӨРИЙГӨӨ, ГЭР БҮЛЭЭ, ОРЧИН ТОЙРНОО” уриан дор үндэсний хэмжээнд тэмдэглэн өнгөрүүлж байна.
Хан-Уул дүүргийн төрийн албан хаагчид 2022 оны 11 дүгээр сарын 28-ны өдөр “Цагаан туузтан” хөдөлгөөнд нэгдэн энгэртээ цагаан тууз зүүж “Эрхэм бүхнээ нандигная”, ”Хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” гэдгээ илэрхийллээ.