Дэлхийн зах зээлд 1000 кг-ыг нь 50 доллароор үнэлж байхад...

Ихэнх монголчууд гадаадынханд тэр тусмаа бөөрөө нийлүүлэн оршин тогтнож буй өмнөд хөршийнхөндөө муу байдаг. Элдвээр хэлж байдаг ч бид тэднээс хараат байдаг гэдгээ Ковидын үед сайн мэдэрсэн. Үүнийг өгүүлэхийн учир нь “Өмнөд хөршөөс хараат байгаа”-г том гүрэн төрийн бодлогоороо бидэнд цаг ямагт сануулж буйг анхааруулах гэсэн хэрэг.
Нөгөөтэйгүүр монголчуудад дэлхийд гайхагдах хэмжээний ургадаг, ухдаг баялаг байгаа хэрнээ тэднээс хараад байгаа нь Монголын төрийн бодлого муу байгааг бэлхнээ харуулж байна.
“Хушхан” брендийн захирлын хэлснээр “Монголчууд жилдээ бэлддэг самрынхаа 0.1 хувийг нь өөрсдөө хэрэглэж, 99 хувийг нь гадагш нь гаргадаг бөгөөд тэрхүү гадагшаа гаргаж байгаа хэсгийг 100 сая доллар болгох боломж бий” гэж байгаа.
Гэтэл төр засгийн зүгээс үүнийг олж харах ч үгүй, огт мэдэхгүй явна. Гэхдээ олны нүдэнд л ингэж харагдаж буй болохоос дээр дурдсан тоо битгий хэл ашиг улстөрчдийн халаасанд орсон байхыг ч үгүйсгэхгүй. Ингэх хэлэхийн учир нь самрын бизнесийн ард Монголын баячууд, улстөрчид байдаг” гэх яриа хоосонгүй гэдгийг сануулах гэсэн хэрэг.
Товчхондоо бол байгалийн баялагтаа эзэн болохоор БОАЖЯ-наас шат дараатай арга хэмжээ авахаар төлөвлөж ажлаа эхлээд байна. Харин үүнд шат шатны байгууллагууд гар бие оролцож дорвитойхон хамтарч ажиллах хэрэгтэй.
Тэгвэл жилдээ 15-20 тэрбум төгрөгийн татвараас зугтдаг компаниудыг ч журамлаж ядаж л тэр хэмжээний мөнгө Монгол Улсын эдийн засагт үр өгөөжөө өгөх нь тодорхой.
Тэгээд ч дэлхийн зах зээлд 1000 кг самрыг 30-50 ам доллароор үнэлж байхад манай улс яагаад 10 хувьд нь ч хүрэхгүй үнэлгээгээр гаргаж байх ёстой гэж.