Гэртээ байсан бол...

Цахим орчинд 47 настай эмэгтэйг 23 настай залуу хүчирхийлсэн гэх мэдээлэл цацагдсан. Тэгвэл эл хэргийн талаар хүмүүс үзэл бодлоо илэрхийж өч төчнөөн хүн сэтгэгдлээ бичсэн ч нэг л утгыг илэрхийлсэн байв.

Тухайлбал “ Өдий насны эмэгтэй ханийнхаа өвөрт, халуун хөнжилдөө, хань ижилгүй бол үр хүүхдийнхаа хажууд, зар бүр үр хүүхэдгүй юмаа гэхэд ая тухаа бодоод унтаж байдаг нас шүү дээ...” гэсэн утга бүхий үгс олон байв.
Олны үг ортой. Уг нь шөнийн 03:00 цагт амарч дуг нойрондоо дугжирч байдаг цаг. Гэтэл тэрбээр согтуураад, бүдчиж явсан бөгөөд “Би бэлэн шүү...” гэж буйтай агаар нэг үйлдэл мэт.
Залуугийн хувьд ч ичмээр. Уг нь 23 нас гэдэг охидыг эргүүлж дурлаж, дурлуулж хайрлуулж, харгүй, хиргүй сэтгэлээр хөглөгдөж аз жаргалд умбаж явдаг нас. Гэтэл хөлчүү хүүхний цавинд орж явчихдаг ёстой ой гутмаар гэхээс өөр юу гэлтэй.
Товчхондоо бол таны уур уцаартай, сэтгэл тавгүй үедээ гаргасан шийдвэр ямагт оновчгүй байх бөгөөд юунд ч хүргэж болно гэдгийг сэрэмжлүүлж буй хэрэг. Буурлуудын хэлдэг "Гэртээ бай" гэдэг үг чинь уг нь их учиртай юм шүү дээ. Ядаж л таныг гэртээ байж байхад хэн нэгэн орж ирээд утсыг чинь булаахгүй, зодож цохиод хүчирхийлчихгүй.
Тэгээд ч амьдрал баян шүү дээ. Бачуурсандаа болоод хөлчүүрч дараа нь бүр харамсаж байхаар ухаалаг зөв шийдвэр гаргаж, өөрийгөө удирдаж сурах хэрэгтэй. Хүнд гуньж гутаж, бачуурах нэг өдөр байхад баярлаж баясаж мянган өдөр бий шүү дээ.
Хэн хэн нь шөнийн тэр цагт гэртээ, дулаан хөнжилдөө дугжирч байсан бол өнөөдөр хууль шүүхийн өмнө толгой гудайн зогсохгүй байх байв.