Их хааны өрлөгүүдээр музейгээ мануулъя

Музей нээгдээд дөнгөж 2 хонож байхад дэлхийн өнцөг булан бүрээс музейн талаар “Үнэн тасархай гэсэн тийм ээ”, “Үнэ өртөг нь ямар байна”. “Дэлхийд 5-д тооцогдож байгаа юм чинь үнэтэй байхдаа...”, “Нүд бүлтийлгэж, чих дэлдийлгэх юм байн уу..., “Дараа зун заавал очиж үзнээ” гэх зэргээр сонирхол татаж байна.

Эндээс харахад Монгол Улс ковидтой тэмцэж байхдаа ч их бүтээн байгуулалтаа орхиогүй, хэзээний дайчин улс гүрэн гэдгээ нотолж чадсан нь бас энэ.
Элдэв янзын санаа шийдэл гарч байгаа ч “Чингисийн музей юм чинь Английн хааны ордны гадаах хамгаалагч шиг Чингисийн үеийн хуяг дуулга, хувцас хэрэглэлтэй хоёр хамгаалагч зогсоовол ямар уу...? Хүмүүс жуулчид зургаа татуулж байдаг. Өвлийн цагт доороос халдаг шалан дээр, 30 минутаар ээлжилж зогсох ч юм уу. Зундаа сүүдрэвчтэй...” гэсэн энэ санаа олны саналыг авсан байв.
Монгол Улсын түүхэнд сүүлийн 30 жилд байгаагүй “Чингис хаан, хаад язгууртны музей” яах аргагүй л ертөнцийн чихийг дэлдийлгэлээ. Гэхдээ энэ үйл явдалтай давхцаад дэлхийн аваргын тоо нэгээр нэмэгдэж, Ази тивийн аваргын медальтнуудын тоо нэмэгдсэн ч их хааны сүр дуулианд багахаан дарагдсан.
Гэхдээ бид дэлхийн талыг эзэлж явсан гэдгээ нэгэнтээ баталж байсан шиг их хааныхаа нэр, сүр бүхий музейгээр бас нэгэн удаа баталлаа. Харин эл музейгээ хэрхэхийг бултаараа шийдвэл зохиолтой