ТӨСӨВ 2023 : Хөнгөлөлттэй эмийн төсвийг нэмэгдүүлж 90 тэрбум төгрөгийг ТУСГАЖЭЭ

Moderator

2022/10/07

Өчигдөр УИХ-ын чуулганы нэгдсэн хуралдаанаар 2023 оны Улсын төсвийг хэлэлцсэн. Чуулганы хуралд Эрүүл мэндийн сайд С.Энхболд оролцож, эрүүл мэндийн салбарт тусгасан төсвийг танилцууллаа.

Эрүүл мэндийн салбар 2021 оноос гүйцэтгэлээр санхүүжих тогтолцоонд шилжсэн. Тэгвэл Эрүүл мэндийн даатгалын зөвлөлөөс ирэх 2023 оны төсөвт зарим тусламж, үйлчилгээний тарифыг инфляцын өсөлттэй уялдуулан өөрчилж, нэр төрлийг нь нэмэж оруулжээ. Иймд 2023 оны төсөвт ЭМДСангийн нийт төсвийг нэг их наяд 481 тэрбум төгрөгөөр төсөвлөж, оруулсан талаараа Эрүүл мэндийн сайд танилцуулгандаа онцоллоо.

Өнөөдрийн байдлаар ЭМД-ын сан 705 оношийн бүлгээр эрүүл мэндийн байгууллагуудад санхүүжилтийг гүйцэтгэлээр нь олгож байгаа аж.

Түүнчлэн Засгийн газраас 2022 оны тавдугаар сарын 01-ний өдрөөс орон даяар иргэн бүрийг эрт илрүүлэг, үзлэг, оношилгоонд хамруулах ажлыг хийж эхэлсэн. Уг ажилд энэ онд 60 тэрбумыг батлуулсан бол ирэх онд тус төсвийг нэмэгдүүлэхээр төсөвт тусгасан гэв.

Харин хөнгөлөлттэй эмийн хувьд энэ онд 67 тэрбум төгрөг төсөвлөгдсөн ч дэлхий дахинд үүссэн эдийн засгийн хямрал, тээвэр логистикийн хүндрэлтэй холбоотой эм, эмнэлгийн хэрэгслийн үнэ өсөж, иргэд өнөөдрийн байдлаар 80 гаруй тэрбум төгрөгийн эмийг хөнгөлөлттэй үнээр авсан байна.

Тиймээс 2023 оны төсөвт хөнгөлөлттэй эмийн төсвийг нэмэгдүүлж, 90 тэрбум төгрөг болгон оруулсан учраас ирэх онд ямар нэгэн эрсдэл гарахгүй хэмээн үзэж байгаа аж. Ташрамд дурдахад төрөөс 590 нэр төрлийн эмийг 30-100 хувь хүртэл хөнгөлж байгаа гэлээ.

Энэ оны хувьд Эрүүл мэндийн салбарт лавлагаа шатлалын болон дүүрэг, орон нутгийн эмнэлгүүд эмч, ажилчдынхаа цалинг 10-40 хүртэлх хувиар нэмэгдүүлж, тоног төхөөрөмжөө сайжруулах, ажилчдынхаа нийгмийн асуудлыг нь шийдэх зэрэг дорвитой алхамуудыг хийсэн. Цаашид хуулийн хэрэгжилтийг эрчимжүүлэх, хяналтын тогтолцоог бэхжүүлэх зэрэг олон шат дараатай ажлууд хэрэгжих талаар Эрүүл мэндийн сайд дурдсан юм.

Ямартай ч ирэх онд Засгийн газар Эрүүл мэндийн салбарт гал алдахгүй байх бүх талын эрсдэлийг тооцож, төсөвт төслөө оруулжээ.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.181.61

2022/10/08

Худлаа эмийн хөнгөлөлт нь байхгүй улам үнэтэй брлсон бгаа. уналт таталтын эмийг 60 мянгаар авдаг байсан бол энэ оны 9-р сарын 1-нээс 170.000 төгрөгөөр авдаг болсон. Хүүхэд улсаас үнэгүй гээд насанд хүрэгчдэд үнийг нь шингээсэн гэж ойлгож бна. Уналт таталтын эмниыхээ үнийг эргэж нэг хараач. Өөриын ухаан мэдрэлгүй орчлонгоос нэг тасраад үзэхэд хүмүүс ямар байх уу өөрсөддөө нэг эргэцүүлэн бодоод үзээч. Ийм өвчтэй байхаар хараагүй эсвэл дүлий байсан болоосой гэж зарим үед бодох юм. Тэгээд ч зогсохгүй эм нь үнэтэй бллчихоод байхад группээс хасна гэж айлгана.Яаж аиьдрах вэ ЭМ-ийн сайдаа.ЭМ-ийн даатгалын даргаа
Хариулах
192.82.69.44

2022/10/08

Эрт илрүүлэг үр дүнгээ өгч илэрүүлээгүй явж байсан өвчнүүдээ оношлуулж авсандаа баяртай бна гэвч илэрсэн өвчнүүдийнхээ эмийг авч дийлэхгүй бна тэтгэвэр хоол ундаа аваа л. Таарч бна. 1- 6 сар уух л эм бичигдэж бна эмээ ээлж дараатай л уух болж бна даа
Хариулах
- 66.181.160.79
  
  2022/10/08
  
  яг тийм бнаа