Батзандангийн ахыг Дарханы замын тендерээр саатуулахаар болжээ

УИХ-ын гишүүн асан Ж.Батзандангийн төрсөн ах ХХААХҮ-ийн дэд сайд Ж.Бат-Эрдэнийг цагдан хорихоор болсон байна. Ж.Бат-Эрдэнийг Дарханы замын тендертэй холбоотой асуудалд нэр байтугай гар, хөрөнгө нь холбогдсон аж.

Төрсөн ах нь ийнхүү будлиан үүсгэж, Дарханы замын тендерийн хэрэгт холбогдож, маш их хэмжээний мөнгөтэй холбоотой асуудалд холбогдсон учраас Ж.Батзандан хэргийг нь замхаруулахыг оролдож байгаа аж.

Угаасаа гурав хоногийн өмнө Ж.Бат-Эрдэнийг АТГ-т дуудаж, яллагдагчаар татах тогтоолыг гардуулж, өнөөдөр /2022.10.5/ цагдан хорих тухай нь дуулгасан байна.

Тодруулбал, дөнгөж сая Ерөнхийлөгчид хандаж орилж, хашгичин лайв хийснийх нь цаана ахыгаа болон өөрийгөө олон нийтэд өрөвдөлтэй харагдуулж, өмөөрүүлэх тактик нь гэсэн үг.

Ёстой л ичсэн хүн ална гэгчээр улстөрөөр дамжуулж, Ерөнхийлөгч У.Хүрэлсүх рүү дайралт хийж байгаа аж. Бас ч үгүй Ж.Батзандан ахынхаа тендерийн асуудалд холбоотой учраас ийнхүү яаралтай “өөрийгөө өмгөөлөх” арга хэмжээ авч Ерөнхийлөгч рүү давшилж байгааг эх сурвалжуудч хэлж байна.

Ямартай ч энэ талаар маргааш хууль хяналтынхан буюу АТГ-аас түүний ах Ж.Бат-Эрдэнийн асуудлаар мэдээлэл хийхээр болсон байна. Мэдээж улстөрийн зорилгоор яагаад өөр рүү дайрсан талаар ч Ерөнхийлөгчийн талаас мэдээлэл хийх болов уу.