Тэр амалсандаа хүрлээ

 “Урнааг ёстой хэвтээ байдалд нөхрөөс нь өөр хүн дийлэхгүй юм байна дөө” гэх хөөрхөөн наргиан цахим орчинд хөврөв. Гавьяатаа хайрласан түүгээр бахарсан өнгө аяс энэ хөөхөн наргаинаас харагдаж, үнэртэж байна. Үнэндээ бол тийм л юм байна. Хөдөлмөрийн баатар М.Уранцэцэгийн хэвтээ мэхийг тэгээд ч дэлхий шагширдаг шүү дээ. Ердөө хичээллээд 3 сар болж байгаа гэх тэрбээр ийнхүү дахин дэлхийн чихийг дэлдийлгэлээ. Жүдо бөхөөр 16 жил хичээллэсэн бөгөөд 2022 оны 1 дүгээр сарын дундуур зодог тайлж буйгаа хэлж найз нөхөд үе, үеийн багш, дасгалжуулагч нараасаа хүлцэл өчиж, тэдэнд баярлаж талархаж явдгаа хэлж байв. Мөн тэр л мөчид тэр холимог тулааны UFC-д орохоор сэтгэл шулуудсан гэдгээ хэлж, “Аваргын бүсийг авчирна гэж амалъя” хэмээж байсан бол амлалтаа биелүүлж Монгол түмнээ огшоов. Тэрбээр • 2009 онд Азийн аваргын хүрэл • 2012 он Азийн аварга • 2013 онд Дэлхийн аварга • 2017 оны ДАШТ-ний мөнгө, хошой хүрэл медаль, • Токио-2020 олимпийн наадмаас хүрэл медаль хүртсэн амжилтаар өмнө нь ч монгол түмнээ баясгаж байсан. Хийгүй, нухацтай, ярьсан бодсон нь, хийсэн мэх нь ер нь л ямагт даацтай байдаг тэр дараахнаар “Бодсон зүйл их бий” гэсэн... мэдээж түүнийг ар араасаа хөврөх амжилтууд бас олон олон тулаан, олон олон ялалт хүлээж буй бөгөөд жүдогийн татамиг эзэгнэж асан тэрбээр ийнхүү холимог тулааны рингэд хүч түрэн орж ирлэ