Боловсролын сайд аа, баярлах болоогүйр

Засгийн газрын бүтцэд өөрчлөлт ороход БШУ-ны сайд Л.Энх-Амгалан “тунаж” үлдсэн. Мэдээж боловсролын салбарт хийж, хэрэгжүүлж буй түүний шийдэмгий алхам, шинэчлэлүүдийн үр дүнг харгалзан үзэж сайдын суудалд нь үлдээсэн. 
Гэвч сургууль, сургалтын орчин, багшийн хүрэлцээ гээд хичээлийн жил эхлэхэд эцэслэгдсэн асуудал тун цөөхөн байна. 
Энэ оны долоодугаар сарын байдлаар манай улсад 3000-аад багшийн хэрэгцээ шаардлага үүссэн гэх судалгаа бий. Тэдний 1564 нь орон нутагт, 1398 нь нийслэлд гэж байв. Жишээ нь бага ангийн багшийн маш муу байна. Тиймээс зарим сургууль анги даасан багшгүйгээр хичээлээ эхлүүлж байна. Энэ асуудлыг хэрхэн шийдвэрлэх болж байна вэ. Зөвхөн ХУД-ийн 34 дүгээр сургууль нэгдүгээр ангийн есөн бүлэгтэй ч хоёр анги нь багшгүй, нэг бүлэг нь 40-49 хүүхэд суралцахаар болж байна. 
Дахиад жаахан цаашилбал, 118 дугаар сургууль гэж байна. Энэ сургуульд Буянт-Ухаа 2 хорооллын хүүхдүүд суралцаж байв. Өнгөрсөн хугацаанд тус хороололд 163 дугаар сургууль ашиглалтад орох тухай яриа гарсан ч өнөөг хүртэл хичээл орох боломжгүй хэвээр байна. 
Арга ядсан зохицуулалт хийсэн нь  хамгийн ойроор нь 161 дүгээр сургууль түр суралцах, цахим хичээл үзэх зэрэг сонголт өгчээ. 
Хамгийн хачирхалтай нь 118 дугаар сургууль хүүхдүүдийг бүгдийг хамран сургах тойргийн сургууль чинь гээд 163 руу шилжүүлчихсэн, өнөөдөр сурагчид нь хэрхэхээ мэдэхгүй, эцэг, эхчүүд нь бухимдаж сууна. 
Энэ бол нийслэлийн ердөө нэг дүүргийн 2-3 сургуульд тохиолдож буй асуудал. 
Л.Энх-Амгалан сайдын хувьд ажлаа эхнээс нь цэгцэлж байна гэж байгаа ч шийдэл, шийдвэрүүд чинь хөрсөндөө хэр бууж байгааг нягталж хармаар байна. 
Сайдын суудалдаа үлдсэн гээд саймширч байхын оронд захын хорооллын сургуулиудаар зар тараалгүйгээр, очиж ажиллаасай гэж хүсэх байна шүү.