​Хувийн компаниа илүү үздэг хүн монголчуудын хүнсийг аюулгүй байлгаж чадах уу

 МАН-ынхан Засгийн газрын бүтцэдээ өөрчлөлт оруулахын тулд дүрэм, журамдаа өөрчлөлт оруулах нь халаггүй юм болж байна. УИХ-д хэдэн удаа сонгогдсон зэрэг шалгуур үзүүлэлт тавиад л чамбайхан сайдуудтай болчих гээд үзээд байгаа юм шиг боловч зүтгэж буй хүмүүсийг нь харвал үгүй бололтой юм. Жишээлбэл, ХХААХҮ-ийн сайд болох гээд байгаа УИХ-ын гишүүн Х.Болорчулуун. Мань хүний хувьд гуравдах удаагаа парламентад сонгогдсон. Өнгөрсөн хоёр парламентад Оюутолгой, Дубайн гэрээг эсэргүүцэж байна гэхээс өөрөөр дуугардаггүй байсан гэхэд болно. Сайд болгохгүй бол ядаж Байнгын хорооны дарга болно гэж зүтгэсээр байж УИХ-ын Байгаль орчин, хүнс, хөдөө аж ахуйн байнгын хороог тэргүүлэх болсон. Гэхдээ сайд байхад зохимжгүй гэдгийг түүний ХОМ-ээс харчхаж болно. Тэр тусмаа ХХААХҮ-ийн сайд. Учир нь мань Х.Болорчулуун гишүүн Хишиг Агро, Дорнод гурил компаниудыг 100 хувь эзэмшдэг. Хамгийн энгийнээр бол ашиг сонирхлын зөрчил үүснэ. Үүнийгээ үл тоон Байнгын хороог тэргүүлж байж, бүр цаашлаад салбарын сайд болно гэхээр Монгол Улсад хууль хэрэгжихээ байжээ гэж ойлгогдохоор байна. Түүний сонгогдсон тойргийнхон бол "Х.Болорчулуун дорнодчуудыг ядаж гурилаар хангадаг юм" гэж баярлаад саналаа өгчихдөг гэж байгаа. Харин энэ удаа бол монголчуудын хүнсний аюулгүй байдлыг “атгах” хүн нь албан тушаал, абмицын “уурхай” болсон нөхөр байж боломгүй шийдэл, шийдвэр гэдгийг МАН-ынхан мэдэж, судалсан байгаа даа.