Зам тээврийн салбараа яах вэ

Зам дагаж хөгжил гэдэг. Харамсалтай нь манайд Зам, тээврийн хөгжлийн яам гэж байгаа ч энэ нь хөгжүүлэх бус бүр хөгийг нь чирч, ёстой дампууруулж дуусгах нь. Гол салбарын сайд хэн байхаас их зүйл шалтгаалдаг гэдгийг өнгөрсөн хоёр сайдын үед хүн бүр харлаа, үзлээ, мэдлээ. 
Яг одоо Засгийн газрын бүтэц, бүрэлдэхүүний асуудал яригдаж байгаа энэ үед Ерөнхий сайд энэ салбарт олигтойхон менежер олж авч ирээд томилчхоосой. 
Ердөө Дарханы зам, тээвэр ложистикийн асуудлыг харахад л хангалттай. 
УИХ-ын гишүүн Б.Энх-Амгалангийн үед сайжруулж, шинэчлэх нэрээр хуулж хаясан Дарханы зам өнөөдөр ч олон нийтийн бухимдлыг төрүүлсэн хэвээр байгаа. Б.Энх-Амгалан сайдаас улбаалж, Л.Халтарын үед ч үргэлжилсээр байгаа энэ замд хэдэн хүн амиа алдаж, хичнээн хүн эрүүл мэнд, эдийн засгаараа хохирсныг тооцоолж гаргахад бэрх. 
Ерөнхий сайд ашгүй дэд бүтцийн алдагдсан боломжийг судлуулж, буруутныг олж, хохирлыг барагдуулах шийдвэр гаргаснаар өдгөө сайд асан, УИХ-ын гишүүн Б.Энх-Амгаланг шалгаж эхэллээ. 
Мэдээж түүний ажлыг аваад Л.Халтар сайдыг “Монголын авто тээвэрчдийн холбооны Соёмбо нэгдэл”-ээс огцрохыг шаардаж байна. Өмнө нь хэдэн мянган тээвэрчин түүний өнгөрсөн хугацаанд гаргасан алдаатай шийдвэртээ хариуцлага хүлээх ёстой хэмээн огцрохыг шаардсан. Харамсалтай нь, Л.Халтар байссар салбар нь мөхсөөр байгаа. 
Зөвхөн Дарханы замыг харахад л Б.Энх-Амгаланг аль эрт шалгаж, Л.Халтарыг ч огцруулчих байсан гэдгийг хэнбугай ч хэлэх биз.