​Жилийн 394 сая төгрөгийн орлоготой Т.Аюурсайхан гишүүн 434 сая төгрөгийн зээлээ даржээ

Moderator
2022/07/05

Анх гишүүн болохдоо буюу 2017 онд жилийн 79 сая төгрөгийн орлоготой байсан Т.Аюурсайхан гишүүн 2021 онд 394 сая төгрөгийн орлого олсон гэдгээ АТГ-т мэдүүлжээ. Сонирхолтой нь Т.Аюурсайхан гишүүн жилдээ олсон орлогоосоо илүү хэмжээний зээлийг буюу 434 сая төгрөгийн зээлийг өнгөрсөн 2021 онд төлж барагдуулсан байна.

Гишүүнийх НЭГ тэрбум 210  сая төгрөгийн үнэлгээ бүхий хоёр орон сууц, нэг зуслангийн байшинтай. 118 сая төгрөгийн үнэлгээ бүхий хоёр машинтай. 498 сая төгрөгийн үнэлгээ бүхий 118 адуу, хурдан удмын 23 адуутай. 87 сая төгрөгийн үнэт эдлэлтэй, дансандаа 162 сая төгрөгтэй хэмээн мэдүүлжээ. Данс дахь хуримтлал ч мөн өнгөрсөн 2020 оноос нэмэгджээ. 

Т.Аюурсайхан гишүүний хувьд Адванседледэр солюшенс ХХК 100 хувь эзэмшдэг. Тус компанин бэлэн хувцас, худалдааны зуучлал, арьс шир боловсруулах чиглэлээр үйл ажиллагаа явуулдаг байна. 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.44
    2022/07/05

    Тэгээд л арьс шир нь зайсангаас зайлахгүй байх нь

    Хариулах