Усанд осолдсон байж болзошгүй ХОЁР настай хүүг эрэн хайх ажиллагааг зогсоожээ

Баян-Өлгий аймгийн Баяннуур сумын 5 дугаар багийн “Цагаан гарам” гэдэг газраас бага насны хүүхэд гэрийнхээ гадаа тоголж байгаад сураггүй болсон гэх мэдээллийг  05.30-ны өдрийн 11:00 цагийн орчимд Онцгой байдлын газарт ирүүлсэн байна.

Хүүхэд  “Ховд” голын усанд осолдсон байж болзшгүй учир аймгийн Онцгой байдлын газар, аймгийн Цагдаагийн газрын алба хаагчид, тус сумын Засаг даргын Тамгын газрын ажилтнууд,  ар гэрийнхэн И /2 настай, эрэгтэй/-ийг тус сумын Цагаан гарам багийн “Цагаан хад” гэдэг  газраас “Хоёр-Арал” гэдэг газар хүртэл 25 км-т завиар,  голын эрэг  дагуу 20 км-т явганаар  эрэн хайх ажиллагааг зохион байгуулсан боловч үр дүнд хүрээгүй тул 21:50 цагт түр зогсоосон. 06.02-ны өдрийн 08:00 цагт эрэн хайх ажиллагааг дахин эхлүүлжээ.