Ижил хүйстнүүдийн саунаас сармагчны цэцэг өвчин тархжээ

Испанийн эрүүл мэндийн байгууллагууд сармагчны цэцэг өвчний шинэ тохиолдлууд Мадридын хотын ижил хүйстнүүдийн саун болон Канарын арлуудад олон арван мянган хүнийг цуглуулсан арга хэмжээний үеэр тархсан гэж үзэж байна.

Испани өнөөдрийн байрлаад 30 орчим шинэ тохиолдол зарлагдаад байгаа аж. Иймээс тус улсад халдварыг хянах,  вирусын халдварыг аль болох багасгахыг хичээж байгаа тухай Мадридын Эрүүл мэндийн газрын дарга Энрик Руиз Эскудеро мэдээлсэн байна. 

Уг өвчин нь ихэвчлэн халуурах, тууралт гарах, тунгалгийн зангилаа томрох зэрэг эмнэлзүйн шинж тэмдэг илэрч, 2-4 долоо хоног үргэлжилдэг, нас баралтын хувь 3-6 байна. Сармагчны цэцэг өвчин нь өвчтэй хүн, амьтантай ойр харьцах үед дуслаар эсхүл вирусээр бохирдсон эд зүйлсээр дамжин халдварладаг.

Одоогоор сармагчны цэцэг өвчин нь нутагшмал тархалттай орноос гадна Их Британи Умард Ирландын Нэгдсэн Вант Улс, АНУ, Канад, Испани, Португал, Швед, Итали зэрэг нутагшмал бус 11 оронд бүртгэгдээд байгаа нь анхаарал татаж, Дэлхийн Эрүүл Мэндийн Байгууллага (ДЭМБ) судлаачидтай хамтран нөхцөл байдлыг үнэлж, тандалт судалгааг өргөжүүлэх, улс орнуудад заавар зөвлөгөө өгөхөөр ажиллаж байна.