Хөгжлийн банкны Гүйцэтгэх захирал Н.Мандуул: 762 тэрбум эргэн төлөгдөх боломжгүй байна

Хөгжлийн банкны асуудлаар Ерөнхий хяналтын сонсгол болж байна. Энэ Хөгжлийн банкны Гүйцэтгэх захирал  Н.Мандуул 762 тэрбум төгрөг эргэн төлөгдөх боломжгүй гэх мэдээллийг өглөө. 

Тэрбээр "Хөгжлийн банкны 762 тэрбумын багцыг Засгийн газарт шилжүүлж, үр ашигтай зардал мөн эсэхийг засаг дээрээ шийдэх нь зүйтэй гэж бидний зүгээс санал болгож байна. 1.8 их наяд төгрөгийн 400 тэрбумын зээлийг арга хэмжээ авах шаардлагатай гэж үзэж байна. 2.2 их наядын багц дээр энэ ондоо арга хэмжээ авах хэрэгтэй. Үүний гуравны нэг нь төрийн өмчит ААН-үүдэд олгосон зээл байгаа. Төрийн өмчит ААН-үүдийн авсан 762 тэрбумын зээлийг задалбал Монголын газрын тос, Эрдэнэс Монгол, ТОСК, Эгийн голын усан цахилгаан станц, Тавантолгойн цахилгаан станцын ТЭЗҮ-г санхүүжүүлсэн. Энэ 762 тэрбум банкны хувьд эргэн төлөгдөх боломжгүй болсон. Оны төгсгөл гэхэд чанаргүй зээлийн хувийг 12-иос доош буулгахаар ажиллаж байна. Ингэсэн тохиолдолд Хөгжлийн банк хэвийн банкаараа ажиллах боломжтой" гэжээ