Зах худалдааны төвүүдийг нүүлгэх шийдвэр гараагүй гэв

Moderator

2022/02/22

Нийгмийн сүлжээнд нийслэлийн тулгамдсан асуудлыг нэг түгжрэлийг бууруулах зорилгоор зах, худалдааны төвүүдийг нүүлгэхээр болсон гэх мэдээлэл гаргаад байгаа.

Тэгвэл энэ талаар Хотын даргын хэвлэлийн төлөөлөгч Н.Сугар мэдээлэхдээ "Түгжрэлийн бууруулах үндэсний хорооноос бүх чиглэлд судалгаа хийхийг үүрэг болгосон. Үүний нэг хэсэг нь захуудыг хотоос гаргавал ямар үр дүн, нөлөөлөл үзүүлэх тухай судалгаа байсан.

Зөвхөн судалгааны түвшинд гэсэн үг. Албан ёсоор нүүлгэх тухай саналыг хотын захиргаанаас гаргаагүй байгаа. Манайхаас судалгаануудыг постер байдлаар бэлтгэж түгээж байгаа. Ингэхдээ төлөвлөж байгаа мэт буруу ойлголт төрүүлжээ. Судалгаа хийгээд саналын түвшинд яригдаж байгаа асуудал шүү. Хэрвээ шийдвэр гарахаар бол нүүлгэх зардал, гэрээ хэлэлцээр гэх мэт олон асуудал яригдах байх" гэлээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ