УИХ-ын гишүүн Ч.Хүрэлбаатартай холбоо бүхий л хүмүүс Увс аймгийг тонож дээрэмдээд дуусаж байна

2012-2016 онд Увс аймгийн Засаг даргаар ажиллаж байсан Д.Цэндсүрэн мэдээлэл хийлээ. Тэрбээр "Сүүлийн 15 жилд УИХ-ын гишүүн Ч.Хүрэлбаатарын дээрэмчид Увс аймгийг тонож дээрэмдээд дуусч байна.

Тухайлбал, Увс аймагт улсын төсвийн дөрвөн тэрбум төгрөгөөр усан бассейн барихаар гүйцэтгэгч  компани санхүүжилтынхаа 92 хувийг авсан. Гэтэл одоо мөнгө ч байхгүй, гүйцэтгэгч компани ч байхгүй, барилга нь сэг болчихсон байдалтай байна. Мөн аймагт баригдсан эмнэлэг зураг төсөл дээрээ цахилгаан шаттай байсан ч баригдаж дуусахдаа цахилгаан нь алга болчихсон. Аймгийн театрын барилгыг 6.8 тэрбум төгрөгөөр барихаар болсон ч баригдаж дуусаагүй учир нэмж 6 тэрбум төгрөг  суулгасан. Гүйцэтгэгч компанийн захирал нь Ч.Хүрэлбаатарын сонгуулийн ажилтан Б.Дүгэрээ гэдэг хүн бий" гэлээ. 

Тэрбээр үүний зөвхөн мөсөн уулын орой хэмээн тодотгосон юм. Түүний зүгээс Увс аймгийн МАН-ын удирдлагуудын авлига албан тушаалын хэргийг шалгах цаг болсон. Ялангуяа сүүлийн 10 жилийн хугацаанд УИХ-ын гишүүн Ч.Хүрэлбаатартай холбоо бүхий л хүмүүс Увс аймгийг тонож дээрэмдээд дуусаж байна гэсэн мэдэгдлийг хийлээ 

Д.Цэндсүрэнгийн хувьд өөрөө Засаг даргын ажлаа хүлээлгэж өгөөд АТГ-т шалгуулсан бөгөөд авилга албан тушаалын хэрэг нь хэрэгсэхгүй болсон байна.