Ц.Ананбазарыг мөнгө угаасан хэргээр шалгаж эхэлсэн үү?

Ерөнхий сайд Л.Оюун-Эрдэнэ даваа гарагт мэдээлэл хийхдээ "Хөгжлийн банкны нийт зээл, хүүгийн багцын үлдэгдэл 3,2 их наяд төгрөг болж,  55,3 хувь буюу 1,8 их наяд төгрөг чанаргүй зээлийн ангилалд орсон нөхцөл байдал үүссэн. Чанаргүй, барьцаа хөрөнгөгүй, зээл аваад зориулалтын бусаар зарцуулсан асуудлуудыг Эрүүгийн хуулийн дагуу Мөнгө угаах хэргээр шалгах өгөх хүсэлтийг Ерөнхий прокурорт гаргасан. Жагсаалт гаргахад нэр бүхий 15 хүрэхгүй хүмүүс голлох зээлдэгчид байгаа" хэмээн мэдэгдсэн юм. 

Тэгвэл тэдгээр зээлдэгчдийн нэг нь УИХ-ын гишүүн Ц.Анандбазар гэдгийг эх сурвалжууд мэдээлж байна. Улс төрийн хүрээнд саарлаар бичигдэх олон түүхтэй түүний хувьд мөн л Хөгжлийн банкнаас зээл авсан асуудалд нэр холбогдож байгаа нь энэ. 

Тодруулбал, УИХ-ын гишүүн Ц.Анандбазарын “Сод Монгол” групп 2017 онд Хөгжлийн банкнаас 43 сая ам.долларын зээлийг авчээ. Гэвч уг зээлээ зориулалтын бусаар ашигласан нь тогтоогдсон байна. Түүний хувьд Хөгжлийн банкны дуулиантай зэрэгцэн зээлээ төлж эхэлсэн ч мөнгө угаах хэргээр шалгуулах хүний тоонд зүй ёсоор орж байгааг эх сурвалжууд бичиж байна.